Eskozia independentea Europar Batasunean sartzeari betoa jarriko lioke Espainiak
Eskoziarrek bi urte barru egitekoa duten erreferendumean independentziaren alde egingo balute, Espainiak erabaki horri betoa jarriko lioke, The independent egunkariak jakinarazi duenez.
Egunkari britainiarraren arabera, espainiar agintariek ez dute Eskoziaren independentzia begi onez ikusten, Kataluniako eta Euskal Herriko "separatistei" adorea emango liekeelako.
Vilaweb agerkari katalanak gogorarazten duenez, Kosovoren independentzia ere ez zuen onartu Espainiako Estatuak. Europako estatu gutxi izan ziren Kosovoren independentzia onartu ez zutenak.
Iñigo Urkullu: "Eskozia bera Euskadira begira dago"
Besteren artean, Eskozian egitekoa den erreferendumari buruz mintzo da Iñigo Urkullu EAJren EBBren lehendakaria, Berriak igandean plazaratutako elkarrizketan. "Eskozia bera Euskadira begira dago. Zinez diot, zintzotasun osoz, Eskozia Euskadira begira dagoela", dio Urkulluk: "Baina guk ere badugu zeri begiratu Eskoziari dagokionez: erabakitzeko eskubidea erabiltzeko aukera. Eta hori da guretzat adibidea. Ez dakit zein galdera egingo duen SNP Eskoziako Alderdi Nazionalak, edo Alex Salmond lehen ministroak, ez dakit zein den galdera, baina bada bide bat, eta bidea da guk ispilu moduan begiratzen duguna".
Eskoziako lehen ministro ohi Alex Salmond atxilotu dute, bi emakumek bere aurka sexu jazarpen salaketak jarri ostean.
Alex Salmond Eskoziako lehen ministroak BBCn egindako elkarrizketa batean esan du ez duela erabakirik hartu parlamentura itzultzearen inguruan, baina ateak “irekita” daudela.
Astelehen gauean izan dute Eskoziako lehen ministro Alex Salmondek eta independentziaren kontrako kanpainako buru Alistair Darlingek independentziari buruzko bigarren eta azken telebistako eztabaida. The Guardian-ek eginiko galdeketaren arabera, Salmondek erraz irabazi duela... [+]
Estatu independente izan nahi duen erabakiko du Eskoziak 2014an eta Europa osoan helburu bera duten herrientzat erreferente bihurtu da. Krisiak indartu egin ditu mugimendu independentistak Katalunian eta Flandrian ere. Europako puzzlea pieza txikiagoz osatzen hasteko lehen... [+]
Eskoziak erreferenduma egiteko zuen oztoporik handiena gainditu da Erresuma Batuak aurrera jarraitzeko akordioa historikoa sinatu ostean. Erresuma Batuak aukera eman orduko hasi du Eskoziak prozesua.