Eskoziako 130 enpresarik independentziaren aurkako manifestua sinatu dute

  • Eskoziako eta herrialde hartan negozioak dituzten 130 enpresarik independentziaren aurkako adierazpena sinatu dute. Haien jarrera nahikoa ezaguna zen jada, baina publiko egin duten gutunak are argiago laga ditu gauzak.


2014ko abuztuaren 28an - 00:00
Azken eguneraketa: 2015-02-26 13:37:33
HSBC bankuko Douglas Flint da sinatzaileetako bat.

Banku, whiski eta petrolioaren sektoreko enpresariak daude sinatzaileen tartean. Diotenez, "enplegu sortzaile gisa", bi aldeen arteko eztabaitak tentuz jarraitu dituzte, eta haien iritziz independentziaren aldekoek ez dizkiete argudio nahikoa "sendoak" aurkeztu: "Zalantzak daude funtsezko zenbait gairen inguruan: moneta, marko arautzailea, zergak, pentsioak, esportazioak edota Europar Batasunaren (EB) barruko papera. Eta zalantzak txarrak dira negozioetarako".

Adituen arabera, moneta eta EB barruko partaidetza dira gairik polemikoenak. Alderdi britainiarrek uko egin diote balizko Eskozia independentearekin batasun monetarioa osatu eta libra esterlina erabiltzen jarraitzeko aukera eskaintzeari, independentistek desio duten moduan. Bestalde, Eskozia EBn sartuko ote litzatekeen ez dago argi, eta puntu hori funtsezkoa da enpresari handientzat.

Edinburgoko Unibertsitateko irakasle Bradley McKay-ren hitzetan, "pertsona zentzudun orok daki Eskozia EBko kide izango litzatekeela, baina iraupenak zalantzak sortzen ditu: 18 hilabete, bi urte, bost?".

Dioenez, enpresari txikiagoen artean baiezkoak babes handiagoa du, independentzia lortuz gero botere-guneak herritarrengandik gertuago egon daitezkeela uste dutelako.


Kanal honetatik interesatuko zaizu: Eskoziaren independentzia
2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2022-11-23 | ARGIA
Londresen baimenik gabe, erreferendum legalik ez
Eskoziari erabakitzeko eskubidea ukatu diote Erresuma Batuko Auzitegiek

Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.


2022-10-11 | Leire Artola Arin
2023an independentzia erreferenduma egiteko asmoa berretsi du Eskoziako lehen ministroak

Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.


Olatu berria Eskoziatik?

Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]


2022-07-06 | ARGIA
Eskoziako bigarren independentzia erreferendumari ezezkoa eman dio Boris Johnsonek

Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak


Eguneraketa berriak daude