Eskolek emandako etxerako lanak, aisialdi lapur

  • Espainiako Estatuko ikastetxe publikoetako gurasoak "etxerako lanen greba" egitera deitu ditu CEAPA konfederazioak, haurrek eskola orduetatik kanpo egin ohi dituzten etxeko-lanen kalteez ohartarazteko.


2016ko azaroaren 04an - 13:34
"Eskoletan ikasgai bat falta da: nire denbora librea", dio egitasmoaren lelo nagusiak.

CEAPAk egindako ikerketaren arabera, gurasoen %48,5ak uste du etxeko-lanek eragin negatiboa dutela haurren familia-bizitzan. "Asteburuetan gure seme-alabekin aisialdi denbora berreskuratzea planteatzen dugu", dio konfederazioko presidente José Luis Pazosek. Bere hitzetan, eskolako lanak eskola barruan bukatu beharko lirateke. Halaber, kezka azaldu du badirudielako eskola dela asteburu eta oporretan seme-alaben etxeetan zer egin behar den erabaki behar duena. Zentzu horretan, azaroko asteburu guztietarako deitua dagoen grebarekin bat egingo duten gurasoek irakasleei eskatuko diete etxeko-lanik ez bidaltzeko. Irakasleak haien nahia betetzen ez badu, astelehenean gutun bat emango diote, haien seme-alabek etxeko-lanak zergatik egin ez dituzten azalduz. Aurrera begirako helburua ez da soilik asteburuetako etxeko-lanak kentzea, baizik eta haurrek aste barruan egiten dituzten horien gainean ere eztabaida sortzea.

Gehiegizko etxerako lan desegokiei planto

Hego Euskal Herriko eragileek ez dute grebarekin bat egin, baina etxeko-lanen sistema egokitu beharra dagoela pentsatzen dute haiek ere bai. Zentzu horretan, ARGIAko kazetari Mikel Garciak erreportajea idatzi zuen aldizkariaren 2.482. zenbakian, abiapuntutzat hartuta guraso talde batek Euskal Herriko Ikasleen Guraso Elkarteari luzatutako proposamena: haurrei irakasleek agintzen dizkieten etxerako lanez gogoeta egitea beharrezkoa dela eta horretarako guraso, irakasle eta ikasleak bilduko dituzten foroak eratu behar direla ikastetxeka.

"Eztabaidari serio heltzeko ordua da", zioen Garciak artikuluaren sarreran: "Etxerako lanak bai ala ez? Adin guztietan? Denentzat? Eta denentzat berdinak? Zenbat?"

Erreportajea osorik irakurtzeko: Gehiegizko etxerako lan desegokiei planto.

 


Kanal honetatik interesatuko zaizu: Hezkuntza
2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Eguneraketa berriak daude