Francisco Escudero konpositorearen musika "ezagutu eta gogoratzeko" Gipuzkoako Aldundiak omenaldia antolatu du, bere jaiotzaren mendeurrenean. Apiriletik abendura bitartean, kontzertuak, erakusketak, jardunaldiak, dantza emanaldiak eta hainbat argitalpenen antolatu dituzte musikaria omentzeko.
Gipuzkoako hainbat herritan egingo dituzte egitarauan bildutako 50 jarduerak. Horien artean, Euskadiko Orkestra Sinfonikoak Donostiako Kursaalean Dantzari baten ametsa eta Musika Hamabostaldian egingo duen Illeta obren interpretazioak nabarmendu dituzte antolatzaileek.
Hurrengo ekitaldiak apirilaren 27an Zarauzko (Gipuzkoa) Ispilu Arte Galerian, Pikondopetik biolontxelo laukotearena izango da. Ondoren, maiatzaren 6an, Oñatiko (Gipuzkoa) Santa Ana antzokian, Musikeneko Hausoka bikoteak Urantzu obra interpretatuko du.