Esako urtegiko lanen aurka egin zuten zortzi auziperatuak ez dira kartzelara joango
Auzitegiko medikuak atzera bota du haien aurkako salaketa, informazio faltagatik, ezin baitu frogatu 2012ko protestetan poliziari eragindako lesioen erantzuleak direla.
36 urteko kartzela zigorra eskatu zuen fiskalak Esako urtegiko lanen aurka egin zuten zortzi pertsonentzat pasa den urtean, abenduan, egin zen epaiketan. 2012an urtegiaren handitze lanengatik gertatutako desjabetzeen aurka protestatu zuten Arriel Dominguez, Oscar Ara, Sergio Palacin, Chesus Maria Royo, Miguel Palacín, Jorge Luis, Alex Ubieto eta Javier Lopezek eta desordena publiko, autoritatearen aurkako atentatu eta lesioengatik inputatu zituzten. Horren berri eman zuen ARGIA-k.
Asteazkenean epaitu zituzten zortzi lagunak bigarrengoz. Beraiek ez ezik 18 guardia zibilek, auzitegiko medikuak eta defentsaren perituak deklaratu dute. Azken biek esandakoak aldatu du epaiketaren noranzkoa. Izan ere, Fiskaltzak eta akusazio partikularrak aurkeztutako 11 lesio parteetatik 8 baztertu dituzte, informazio faltagatik. Haien esanetan ez dago froga nahikorik akusatuek kalte horiek sortu zituztela baieztatzeko.
Kalte-ordainak eta kartzela eskaerak bi urtera murriztuta, beste isun batzuei egin beharko diete aurre Esako zortziek.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.