Lokaleko segurtasun kamera batek jasotako bideoan ikus daitekeenez, hainbat ertzain bortizki oldartu ziren bi pertsonen kontra. Kontseilu Sozialistak adierazi du erasoa jasan duten pertsonak ile apaindegiko langilea eta bere lagun bat direla. Gertatutakoaren testuinguruaz ez du bestelako daturik eman kontseiluak, eta Eusko Jaurlaritzako Segurtasun Sailak ez du adierazpenik egin.

Bilboko Kontseilu Sozialistak zabaldu du gertakariaren bideoa. Erasotuei elkartasuna eta babesa helarazi die, eta salatu du erasoa "egiturazko kriminalizazioaren eta jazarpenaren erakusle" dela. Adierazi dute Poliziaren funtzioa "orden klasista mantentzea" dela eta ondorioz etorkinen eta "proletargoaren" kontra jazartzen dela. Horren adibide San Frantzisko auzoa dela ohartarazi dute, "militarizazioa eta jazarpen polizial sistematikoa" pairatzen dutela bertan. Poliziaren "impunitatea" salatu du kontseiluak.