"Barakaldoko gaueko aisialdi guneetara joan ohi diren magrebtar gazteak identifika ditzatela" eskatu die ertzainei Sestaoko polizia-etxearen zirkular batek, El Correo egunkariak (pdf) jakinarazi duenez.
Dokumentua plan zabalago baten parte da, egunkariak dioenez, helburutzat duena ezkerraldean gertatzen den lapurreta kopurua murriztea, besteren artean. David S. Olabarri kazetariak dioenez, zonalde bakoitzari dagozkion "badaezpadako neurriak" zehazten ditu barne-zirkularrak, balizko delituen ezaugarriak aintzat hartuta. Susmagarrien artean "arabiarrak", "ijitoak", "toxikomanoak" eta "zuriak" daude.
"Iturri judizial eta polizial zenbaitzuri" erreferentzia eginez, El Correok dio identifikazioak ezin direla "modu arbitrarioan eta arrazaren arabera" egin. Teorian, pertsona "konkretu" batek ekintza "irregular" bat egin izanaren susmo "zehatzak" daudenean egin behar dira aipatu kontrolak.
Eusko Jaurlaritzako Segurtasun Saileko bozeramaileek azaldu dutenez, indarkeria bidezko lapurreta kasuen inguruko datuetatik abiatuta zehaztu dituzte aisialdi guneei dagozkien helburuak.
Atxilotutako gehienak, arraza zurikoak
Barakaldon eta neurri txikiagoan Sestaon eta Trapagaranen daude arazo gehien, dokumentuaren arabera. Ertzaintzak indarkeria bidezko 88 lapurreta kasu ikertu zituen 2013ko azken hiru hilekoan: %74 Barakaldon gertatu ziren eta %14 Sestaon. Aipatu denbora tartean 29 lagun atxilotu zituzten ertzainek: horietako %15 ziren "arabiarrak", beste hainbeste "ijitoak", eta afrikarrak bi. Gainerako guztiak "arraza zurikoak" ziren, El Correok nabarmendu duenez.
Hainbat gizarte eragile zein SUP Espainiako polizia sindikatua hainbatetan agertu dira "justifikazioarik gabeko" identifikazio masiboen kontra. Hain justu, sindikatuak bere webgunean jaso du El Correoko albistea, ohar honekin: "SUPek denbora darama identifikazio masiboak salatzen".
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.