Errusiako zenbait zientzialarik trangesnikoak hamar urtez debekatzea eskatu dute. Epe horretan transgenikoek osasunean duten eragina aztertuko lukete. Irina Ermakova Errusiako Segurtasun Genetikoko Erakundearen lehendakariordeak dioenez, “hamar urteko tarte horretan zenbait froga eta esperimentu egin litezke, baita ikerketa lerro berriak zabaldu ere”.
Interfax agentzia errusiarrari esan zizkion hitzok Ermakovak, eta gaineratu, azterketa nahikorik ez dagoela genetikoki eraldatutako elikagaiak merkaturatzeko. “Horrela lortutako elikagaien erabilerak eta kontsumoak tumoreak eragin diezaizkieke abereei, baita minbizia eta obesitatea ere”. Ermakovak nabarmendu zuen, bestalde, transgenikoak kontsumitu diren lurraldeetan gizakion artean diabete eta minbizi kasu gehiago azaldu direla bestela baino.
Irailean Transgenikoen gaineko arautegia onartu zuen Errusiako Legebiltzarrak. Hortaz, osagai transgenikoak dituzten produktu guztien erregistroa egitera behartzen du legeak. Monsantoren arto transgenikoaren inportazioa eta salmenta ere debekatu zuten behin-behingoz, Frantziako ikerketa batek minbizia eragin dezakeela jakinarazi eta gero. Errusiako legearen arabera, Errusian ezin da transgenikorik landatu, baina transgenikoak zenbait elikagaitan erabiltzea ez du esplizituki debekatzen.
Agroindustriaren alde doan erabaki garrantzitsua hartu zuen Europako Batzordeak otsailaren 7an: NBT New Breeding Techniques teknikaren bidez genetika moldaturik duten haziak ez ditu transgeniko gisa sailkatuko. Hori horrela, transgenikoei orain arte egindako kontrol, segipen eta... [+]
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]
“Arto indigena babesteko” eta “elikadura burujabetzaren alde” hartu zuen Mexikoko Gobernuak arto transgenikoen ekoizpena eta inportazioa baita glifosatoa deitu herbizida ere debekatzeko erabakia 2020ko abenduaren 31n. Orduz geroztik, atzera... [+]
Mundua astindu duen SARS-CoV-2 saguzarren birus baten mutazio natural bat ote da –gizakiak azken hamarkadetan munduko leku askotan ingurumenean eragindako transformazio larriei lotua ziurrenik, alde horretatik ere gizakiak probokatua– ala tartean zientzialariek... [+]