Erronkei heltzeko gertu bukatu dituzte jardunaldiak toki komunikabideetako ordezkariek

  • Orain dela 25 urte Arrasaten egin ziren Tokikom jardunaldi haiek gogoan baina gaur egungo erronkak abiapuntu direla egin dituzte Komunikazio lokala esparru globalean jardunaldiak tokiko komunikabideek Arrasateko Polo Garaian.

Mirari Altube  |  Goiena @goiena
2016ko azaroaren 14a
Tokikom sariak ere banatu dituzte astelehen honetako jardunaldietan. (Arg.: Goiena)

Jardunaldietan elkartu dira honako elkarte, erakunde eta medioetako ordezkariak: Euskal Herriko kazetarien elkargoa, Hekimen, Arrasateko Udala, Aldundiko Hizkuntza Berdintasuna, Hizkuntza Politikarako Sailburuordea, Puntueus fundazioa, Alea, Maxixatzen, Ttipi-Ttapa, Anboto, Baleike, CodeSyntax, Pil-pilean, Euskalherria irratia, Goiena eta MU, besteak beste.

Komunikabideetan eraldaketa handia izan da 25 urteotan. Orduan papera zen nagusi eta tokiko hedabideen oinarria, eta egun, teknologiei esker, edizio digitalek izugarrizko indarra hartu dute. Horrek, alde batetik, hedabideak ulertzeko modua aldatu du, eta bestetik, hedabideak finantzatzeko eta kontsumitzeko modua.

Horren inguruko gogoeta egiteko, bertoko zein kanpoko hamalau adituk hartu dute parte jardunaldietan; besteak beste izan dira: Kike Amonarriz, soziolinguista eta komunikatzailea; Jon Sarasua, Huheziko irakaslea; Jorge Bernet, Beleaderreko zuzendari komertziala; Eneko Bidegain, Mondragon Unibertsitateko irakasle eta ikerlaria; Oihana Blanco, Innobasqueko ekonomia zirkularreko proiektu arduraduna; Jorge Campanillas, abokatua; Jabier Beas, Bera-Berako kudeatzailea; Francesc Fàbregas, Associació Catalana de Premsa Comarcal-eko presidentea; Ander Garcia, Vicomtech-IK4ko ikerlaria; Xavier Jiménez, Only Media Webeko zuzendaria; Joxemanuel Irigoien, Ttipi-Ttapa Fundazioaren kudeatzailea; Ramón Salaverría, kazetaritza digitaleko ikerlari eta irakaslea Nafarroako Unibertsitatean; Eli Vivas, El Periodico de Catalunyako infografia taldearen datu-kazetaritzako sailaren koordinatzailea; eta Guillermo Vilarroig, web garapenean eta on-line marketinean espezializatutako Overalia agentziaren sortzailea.

Solasaldiak eta sariak

Amonarrizek eta Sarasuak euskararen transmisio katean toki komunikabideek duten zeresanaren gainean jardun dute. Eta Kataluniatik etorri den Fàbregasek 35 urteko esperientziaren berri eman die elkartutako 150 entzule ingururi. Ondoren, edukiaren, marketingaren eta teknologiaren gaineko argibideak eman dituzte solaskideek, besteak beste, argazkiak zelan erabili legearen ikuspegitik; mezenazgoa, hau da, egitasmoak finantzatzeko aukerak; eta analitikak eta bilatzaileetako posizionamendua.

Tokikom Sariak ere banatu dituzte tokiko komunikabideek egindako lanik onenak txalotzeko. Portadarik onenaren saria jaso du Hiruka astekariaren Txonbo egin-ek; edukirik onenarena Noaua aldizkariko Udarregiren omenez gehigarriak; ikus-entzunezkorik onena, Goienaren Barruak astintzen dokumentalak; eta aipamen berezia jaso du, Baleikeren Tapa Pala bideo sortak.

Jardunaldien gaineko kontu guztiak 16 orriko Puntua berezian (datorren egubakoitzekoan integratuko da edukia) jaso dituzte Goienakoek, eta opari hori besapean hartuta alde egin dute elkartutakoek.

(Artikulu hau Goienak argitaratu du eta CC by-sa lizentzia baliatuta ekarri dugu ARGIAra)

 
Kanal hauetan artxibatua: Euskarazko hedabideak  |  Komunikazioa  |  Gizartea

Euskarazko hedabideak kanaletik interesatuko zaizu...
2017-01-19 | Lander Arbelaitz
Haserrea eragin du Jaurlaritzak hedabideei euskara sustatzeko emandako diru-laguntzen banaketak

Oihartzun zabala izan du sareetan Eusko Jaurlaritzak ARGIA.eus-i diru laguntza jaitsi izanak bere historiako emaitzarik onenak lortutakoan, eta haserrea eragin du euskara sustatzeko diru partidatik gaztelania hutsezko hainbat hedabidek jasoko duten diru kopuruak ere. Erreakzioak biltzen ari gara.


2016-12-20 | ARGIA
"Aitortza eta babesa", euskal hedabideon eskaria Eusko Jaurlaritzari

Eusko Jaurlaritzako Hizkuntza Politikarako Sailburuordetzak euskal hedabideentzako diru-laguntza deialdiaren ebazpena argitaratu berri duen honetan, Lakuari bestelako politika eskatu dio sektorea ordezkatzen duen Hekimen elkarteak. Prentsa ohar baten bidez, “deialdi honek ez duela proiektu berrietarako tokirik uzten” salatu du Hekimenek, eta sektorearen garapenari traba egin diezaiokeela gaineratu du.


Euskarazko hedabideen kontsumoak gora egin du: %32 zortzi urtean

Egun, euskaraz hitz egiteko gai direnen %45ek egunero kontsumitzen ditu euskarazko hedabideak, CIES enpresak kaleratutako datuen arabera. Euskarazko komunikabideen kontsumitzaileen kopurua %32 igo da azken zortzi urteetan.


2016-12-15
Komunikabideak: komunitateen eraikitzaile?
MULTIMEDIA - Ertzak

Euskal komunikabideak euskararen normalizaziorako gakoa izan dira; zama handiegia akaso? Sektorearen prekarizazioa bizi dugula diote askok, gero eta kazetari gehiagok uzten dute lanbidea; nolako eragina du horrek transmisioan? Leire Palacios, Jexux Mari Zalakain, Samara Velte eta Maialen Huarte.


Euskarazko hedabideen kontsumoak gora egin du: %32 zortzi urtean

Egun, euskaraz hitz egiteko gai direnen %45ek egunero kontsumitzen ditu euskarazko hedabideak, CIES enpresak kaleratutako datuen arabera. Euskarazko komunikabideen kontsumitzaileen kopurua %32 igo da azken zortzi urteetan.


2016-12-06
Gaur irekiko ditu ateak
MULTIMEDIA - dokumentala

Euskaldunon Egunkariaren sorrerari buruzko dokumentala. Euskarazko lehen egunkariaren sorrera itxaropentsua da lanaren ardatza.

2003an itxiarazi zuten "Euskaldunon Egunkaria", zuzendaritzako kideak torturatu eta 7 urte beranduago epaitu zituzten, ETAko kideak zirelakoan. Guztiak absolbitu dituzte.


2016-12-05 | ARGIA
Durangoko Azokan Argia-jende asko ari da hurbiltzen salgunera, erostera, agurtzera edo zoriontzera

Jende asko ari da pasatzen Durangoko Azokako ARGIAren gunetik, bai bertako proiektuak erostera, bai harpidetza egitera, informazioa jasotzera edo, besterik gabe, apur bat hitz egitera eta zorionak eta animoak ematera.


2016-10-21 | Sustatu
Euskaldunok Twitterren partekatzen ditugun informazio-iturriak

Twitterreko euskarazko jarduna jaso eta aztertzen duen Umap-ek euskaldunok Twitterren partekatzen dugun informazioari buruzko analisia egin du. Horretarako 14.500 txiolari euskaldunen jarduna aztertu dute, 2016ko urtarriletik ekainera bitartean argitaratutako txioak kontuan hartuta.


2016-09-21 | ARGIA
Hekimenek aldaketa esanguratsuak ikusten ditu euskal hedabideen 2016ko diru-laguntzetan

Herri Hekimenerko euskarazko hedabideak biltzen dituen elkartea kexu da 2016ko diru-laguntza nagusienak oraindik ez direlako banatu. Aurten iInstituzio nagusienetatik hedabideek jasoko dituzten diru-laguntzen balantze zehatza egiten du kaleratutako agirian.


2016-09-17 | Gaizka Izagirre
Sorrera pozgarri bati buruzko kronika

Denok dakigun bezala, 2003an Espainiako gobernuak euskaraz idatzitako egunkari bakarra ixteko agindu zuen: Euskaldunon Egunkaria. Egunkaria itxi eta bere zuzendaritzako partaideak torturatu egin zituzten. ETAko kide zirela esan zuten.


Azkenak
EGILEAK
Eguneraketa berriak daude