Erria txikota!
Aurtengo Gipuzkoako Ikastolen jaia Orion ospatuko da urriaren 5ean Erria Txikota! lemapean. Ohi bezala, herriarekin lotutako bideoklipa prestatu dute, eta aurten herriko zinegile baten eskuetan utzi dute ardura: Maialen Sarasua.
Urtzi Garmendia, Olatz Zugasti eta Joseba Orellarekin elkarlanean, herriko arrantzale eta saregileen irudi zahar eta berriez baliatu da Sarasua, auzolana eta belaunaldien arteko transmisioa irudikatzeko.