Hiru solairu eta 300 plaza izango dituen aparkalekua eraikitzen hasiko dira Getxoko Ibarbengoa metro geltoki ondoan. Egun Getxon dagoen azken landa gunera "porlana eta espekulazioa” ekarriko dituela salatu du Tosu betirako plataformak, haren ustez, bestelako azpiegituren aurrekari izan baitaiteke aparkalekua.
Urtarrilaren 12an ekin diote erresistentzia kanpaldiari. Adierazi dutenez, jendartean etsipena nagusi dela jakin arren, Getxoko Andra Mariko paisaia betetzen duen “garabi izurria” gelditzeko garaia dela uste dute.
Andra Mari auzoan 8.000 etxebizitza eraikitzeko plana aurkeztu zuen Getxoko Udalak 2007an. Herritarrek egindako protesten eta krisi ekonomikoaren eraginez, bertan behera gelditu zen proiektua. Hala ere, Ibarbengoa metro geltokia eraiki zuten 2010ean auzoan, eta zazpi urte igaro diren arren, oraindik ez dago erabilgarri. Plataformaren iritziz, “Getxoko lur eremu bakarra urbanizatzeko lehen harria” jarriko du aparkalekuak.
Proiektua salatzeko erresistentzia kanpaldian hainbat ekintza prestatu ditu plataformak; bertso afaria, mahai-ingurua, hitzaldiak, kontzertuak eta tailerrak, besteak beste. Euren webgunean irakurri daiteke egitarau osoa.
Antolatzaileek dei egin diete herritarrei kanpaldian parte hartzeko, “lur honen gaineko istorioak porlanez idatzi ordez, bizipozez idatz daitezen”.
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]