Errepublikan aurrera egitea eskatu dute milaka manifestarik Katalunian
Kataluniako Asanblea Nazionalak (ANC) deitutako manifestazioa bereziki gogorra izan da alderdi politikoekin. Errepublikako gobernuaren osaketa galdegin dute igandean Bartzelonan kalera atera diren milaka manifestariek, eta, Errepublika orain lelopean, alderdi independentistak urratsak egitera bultzatu nahi izan dituzte.
Manifestariek fiskaltzaren aurkako leloak eta Carles Puigdemonten aldekoak oihukatu dituzte. Fiskaltza “Turkiaren antza” hartzen ari dela esan dute Omniumeko eledun Marcel Maurik eta ANCko presidenteorde Agustí Alcoberrok.
Baina, VilaWebek azpimarratu duenez, diskurtso gogorrena eman duena Jordi Pairó ANCko idazkaria izan da. Instituzioei galdetu die ea zergatik ez dioten aurre egiten Estatu Espainolari, eta kalera atera diren manifestariak omendu ditu: “Beti erne eta tinko egon gara, Errepublika defendatzeko prest. Beti hortxe egon gara; eta orain, sorpresa, sumin eta tristura artean, ikusten dugu zenbaitzuek kaleak duen indarra ahaztu dutela. Gu beti izango gara kalean. Baina ez dugu ikusten parlamentuan jarrera berdina dagoenik”.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]