Errekaleorreko eraikinak egoera onean daudela ziurtatu dute arkitektoek

  • Arabako Arkitektoen eta Aparejadoreen kolegioen zigilupean, hamabost arkitektok sinaturiko txostena erregistratu dute gaur Gasteizko Udaletxean, Urtaranen gobernuak argudiatutako "segurtasun arriskuak" gezurtatuz.


2017ko uztailaren 13an - 15:19

Errekaleorreko eraikinen eraisketa proiektua bertan behera uzteko publikoki eskatua duten Oihane Perea, Txema Ramirez de la Piscina eta Bingen Mendizabalek txostena aurkeztu dute gaur, haren egile Almudena Pérez ondoan zutela, Gasteizko Udaletxean. Hamabost arkitekto eta aparejadorek sinatu dute azterketa.

Arabako Arkitektoen kolegioko kide da Pérez eta elkarte horrek zigilaturik dago txostena. ARGIAk dokumentua eskuratu du eta ondorioa garbia da: Errekaleor auzo autogestionaturiko etxebizitzetan ez da antzematen segurtasun arriskurik, "eraikinek ez dute epe ertainean arriskurik sor dezaketen egiturazko kalterik", dio txostenak.

Horrez gain, arkitektuek bermatu dute zaharberrituriko eraikinak "egoera ona" aurkezten dutela eta aurretik atzeman ziren hutsuneak konpondu direla zaharberritzearen ondorioz.

Adituek karga-murruen, aluminosiaren eta amiantoaren presentziaren inguruko balorazioa ere egin dute, Gasteizko Udalak bere "kezka" behin baino gehiagotan azaldu baitu horren inguruan: "Etxebizitzek bizigarritasun, garbitasun eta osasun baldintzekin konplitzen dute –dio txostenak– eta duela 60 urte eraiki baziren ere, kasik esan daiteke Gasteizko gaur egungo Hiri Antolamendurako Plan Orokorra betetzen dutela".

Arkiektoak harago doaz, eta gomendatu dute zaharberritzearekin jarraitzea "orain arte egin den bezala", irtenbide hori eraikinak eraitsi eta berriak egitea baino "ekonomikoagoa eta jasangarriagoa" delako.

Errekaleor auzoa botatzeko motibazio nagusietako bat haren ustezko egoera kaskarra dela azaldu izan du Gorka Urtaran alkateak, auzokideen segurtasuna ez omen delako bermatzen. Txosten honek hankaz gora jarri du orain argudio hori.

 


Kanal honetatik interesatuko zaizu: Errekaleor
Errekaleorren 10. urteurreneko ekintzetan jasandako polizia jazarpena salatu dute

Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.


Errekaleorrek 10 urte
“Gogoz eta indartsu heldu gara 10. urteurreneko ospakizunera"

2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]


2023-06-01 | Ilargi Manzanares
Oinharri eskolak herri mugimenduentzako formakuntza eskainiko du Errekaleorren, uztailaren 15etik 23ra

Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.


2023-02-27 | Hala Bedi
Errekaleorreko etxeak egoera onean daudela berretsi du azterketa tekniko batek

Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]


Eguneraketa berriak daude