Erregea "marrazoetara bota" idazteagatik gazte bat atxilotu dute Tenerifen

  • Ostegun goizean atxilotu du Espainiako Poliziak Roberto Mesa kanariarra. Martxoaren 7an Espainiako erregea Tenerifen izan zen eta horren harira Facebooken idatzitako mezu batengatik atxilotu dutela uste dute gaztearen senideek.


2018ko apirilaren 20an - 10:50

“Borboiak marrazoetara! 100? 200? Polizia Nazional putero baten semea den FeliPP babesteko. Kabroi honengatik Tenerife gainezka dago”. Mesa atxilotu izanaren mezuetako bat da. Erregeari irain egitea leporatuta, Mozal Legea baliatuz atxilotu dutela uste dute Mesaren gertukoenek.

Etxean atxilotu dute poliziek, eta ordenagailua nahiz mugikorra atzeman dituzte froga gisa. Lekukoen arabera, Espainiako Poliziaren  sei ibilgailu zeuden Mesaren etxepean atxiloketaren unean. “Espainiako Estatuan dagoen errepresioren eta zentsuraren beste adibide bat da”, adierazi du Sara Mesak, atxilotuaren arrebak.

“Ekintzaileari babes osoa adierazteko elkarretaratzea egingo dute ostiral arratsaldean Mesa atxilotuta dagoen polizia-etxearen aurrean. Goizaldean deklaratuko du epailearen aurrean.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude