Errefuxiatuen inguruko hitzaldi sorta EHUn, gizartea harrerarako heztea helburu
Abenduaren 2an SOS Arrazakeria eta EHUk antolaturiko "Ongi etorri errefuxiatuak. Harrerarako hezten" jardunaldiak egingo dira EHUko Donostiako Psikologia Fakultatean. Lau saiotan banaturik egongo da eguna, bi goizean eta bi arratsaldean.
Jardunaldiei goizeko bederatzietan emango diete hasiera, dokumentazioa eskura emanez. Lehen saioa hamarretan abiatuko da, “Babesleku bila. Errefuxiatuen oraingo egoera” izenburupean. Lau zati izango ditu saioak eta bertan SOS arrazakeria Gipuzkoako kide Agustin Unzurrunzagak, Iker Barbero EHUko zuzenbideko irakasleak, Andrea Bertomeu katedradunak eta Hassana Aalia errefuxiatu politiko sahararrak hartuko dute parte.
Bigarren saioa 12:15etan hasiko da “Elkartasuna eta abegintza. Euskal gizartearen balio prosozialak” izenburuarekin. Donostiako Caritas Laguntza Etxeko aholkulari juridiko Abdoulaye Gueye, CEAR Euskadiko Psikologia Zerbitzuko arduradun Sofia Abaitua, Zaporeak taldeko Peio Garcia, itsas salbamenduan aritzen den Iñigo Mijangos eta EHUko hainbat irakasle izango dira hizlariak, bost ataletan banaturiko hitzaldian.
Bazkaltzeko tarte bat utzi ostean, arratsaldeko lauretan bost zati izango dituen hirugarren saioaren txanda izango da: “Gizarte inklusiboak eta jarrera abegikorrak”. Bertan Utrechteko unibertsitateko Borja Martinovic, Yahia Koddo errefuxiatu siriarra eta Gemma Varona doktorea arituko dira besteak beste.
Eguneko azken saioa “Sentsibilizazioan eta abegi egitean hezkuntzaren parte-hartzeak” izango da, arratsaldeko seietan. Patricia Insuak koordinaturiko saioa izango da. Zazpietan bertso itxiera emango zie jardunaldiei, Gemma Urteaga bertsolariaren eskutik.
Parte hartu nahi duen orok sos.universidad@gmail.com helbidera idatziz egin dezake.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]