Errefuxiatuekiko elkartasuna adierazteko banderolak eskura jarri ditu Gasteiz Irekiak

  • Ekainaren 20an ospatuko den pertsona errefuxiatuen nazioarteko egunaren harira, ekintza ezberdinak antolatu ditu errefuxiatuen aldeko plataformak. Besteak beste, uztailaren 15ean Greziara abiatuko den karabana antolatzen ari dira.

Artikulu hau CC BY-SA 3.0 lizentziari esker ekarri dugu.

2016ko ekainaren 14an - 16:52

Datorren ekainaren 20an pertsona errefuxiatuen nazioarteko eguna izango da eta horren harira, Gasteiz Irekia plataformak zenbait ekintza antolatu ditu, "elkartasunerako, aldarrikapenerako eta salaketarako eguna" baita. "Krisi humanitario honi zenbakiak jartzeko eguna ere izango da eta isildutako milaka oihuri ahotsa emango zaie", adierazi dute gaur balkonadan egin duten agerraldian. 

Banderolak

Errefuxiatuen nazioarteko eguna ospatzeko antolatu dituzten jardueren artean, leiho eta balkoietatik eskegitzeko banderolak aurkeztu dituzte, "Ongi etorri" lelopean, errefuxiatuekiko elkartasuna adierazteko balio dutenak. Banderola urdin hauek elkarteetan, tabernetan eta euskaltegietan jasotzeko aukera egongo da.

Kalejira, mahai-inguruak eta kanpaldia

Giroa berotzeko, ekainaren 18an Otxanda Dorretik abiatuk den kalejira antolatu dute, 12:00etan. Ondoren, hilaren 20an, gaia aztertzeko mahai-ingurua egingo dute ordezkari politikoekin. Villasuso Jauregian izango da 19:00etan.

Era berean, Judimendi auzoko jaiekin bat egingo du ekimenak eta ekainaren 24an, errefuxiatuen kanpalekuak gogoraraziko dituen kanpalditxoa egingo dute. Judimendiko parkean, 18:00etatik aurrera.

Greziara karabana

Azkenik, Greziara bidaiatuko duen karabana prestatzen ari direla iragarri du Gasteiz Irekia plataformako bozeramaileak, uztailaren 15ean Gasteiztik abiatuko dena. Ostegun honetan informazioa emateko bilera egingo dute Steilas sindikatuan, 19:00etan.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude