Erraustegiaren esleipena behin-behinean eteteko agindu du Donostiako epaitegiak

  • EAEko Justizia Auzitegi Nagusian GuraSOS elkarteak jarritako helegitearen inguruan erabaki bat eman arte errauste plantaren lizitazioarekin ez segitzeko agindu dio Donostiako 2. Administrazio epaitegiak Gipuzkoako Aldundiari.


2017ko urtarrilaren 05an - 16:27

Donostiako epaitegiaren esanetan, kautelazko neurri gisara, Gipuzkoako Aldundiari agindu dio ez segitzeko GuraSOSek Auzitegi Nagusian "suspenditzea eskatu duen ekintzaren" adjudikazioarekin, hau da, erraustegia eraikitzea, honek helegitearen inguruan erabaki bat hartu bitartean. Horrela egingo balu "administrazioa epaile" bihurtuko bailitzateke, Victor Mora epaileak autoan (pdf) dioenez eta ez litzateke alde baten tutela judiziala errespetatuko. Orain, hamabost eguneko epea dago Donostiako epaitegiaren ebazpenari helegitea jartzeko.

Helegitea Gipuzkoako Hondakinak Kudeatzeko Planari jarria dio errausketaren kontrako eta osasunaren aldeko guraso elkarteak eta Auzitegi Nagusiak datozen asteetan erabaki bat hartuko duela uste dute.

GuraSOSek lehen balorazioa ohar bidez plazaratu du. Elkartearen ustez autoaren irmotasunak zalantzan jartzen du "esleipena erresoluzio judizialak itxaron gabe sustatzen ari diren administrazioen" jokabidea. 17:30etan Donostiako Atotxako epaitegira joateko "premiazko" deialdia egin du, honek arrazoi eman diola-eta.

Bertan dozenaka lagun elkartu dira. GuraSOSek oinarrizko eskubideen inguruan jarri du azpimarra "horien gainetik ez dago ezer" eta "hurrengo bilera Foru Aldundian" egiteko nahia azaldu du.


Kanal honetatik interesatuko zaizu: Gipuzkoako erraustegia
Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


2023-11-17 | Irutxuloko Hitza
GuraSOS plataformak Zubietako erraustegiaren ikuskaritza bat eskatu du batzar nagusietan

GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]


Jose Ignacio Asensio ikerketapean dago, ingurumenaren aurkako ustezko delitu batengatik

Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.


Sutea piztu da berriz Zubietako erraustegian

Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.


Eguneraketa berriak daude