Erraustegiaren 52.000 tona eskoria nahasteko, urtean 6 milioi euro gastatuko ditu Gipuzkoak

  • Gipuzkoako Hondakinen Kontsortzioak (GHK) Eguberri egunaren biharamunean onartu ditu Zubietako erraustegiaren bigarren fasearen baldintza pleguak. Biometanizazio planta eta eskoria nahiz errauts toxikoak tratatzeko gunea egingo dituzte, orain erraustegia eraikitzen ari diren tokitik gertu.

ARGIA @argia
2017ko abenduaren 27a
Artigasko zabortegia handitu egin behar izan dute zabalgarbiko eskoriak pilatzeko

GHK-k 37 milioi euro jarri beharko ditu bi azpiegitura horiek egiteko, baina horrez gain, 20 urtez 6 milioi euro gehiago emango dizkio enpresa pribatu bati tratamendu eta mantenuagatik, guztira 120 milioi euro.

Erraustegiaren esleipenarekin gertatu bezala, kuota horren zati handiena finkoa izango da –ez sortzen den zaborraren araberakoa–; hortaz udalek berdin ordaindu beharko dute plantak egunero ateak irekita edukitzeagatik; gehiago edo gutxiago birziklatzeak ez du eraginik izango GHKren zorra kitatzeko.

Denera gutxienez 888 milioi euro jango ditu erraustegiak udal aurrekontuetatik datozen hiru hamarkadetan.

Eskoriak tratatzeko guneak 52.000 tona gai arriskutsurentzako tokia izango du. GHKren aspaldiko asmoa da beste material batzuekin nahastea eta “eraikuntzan” edo “errepideetan” zabaltzea, baina ez dute eman aterabide horren inguruko inolako xehetasunik, ez bideragarri izango ote den jakiteko daturik ere. Bitartean eskoria horiek non pilatuko dituzten ere ez dute esan.

Zubietan erraustegiaren obrak hasi dira, hortik gertu planta gehiago egin beharko dituzte zaborrentzako.

Bizkaiko hondakinak erretzen dituen Zabalgarbik 52.000 tona eskoria eta 8.000 tona errauts sortzen ditu urtero, Lezama Bizirik elkarteak egindako datu bilketaren arabera. Horientzako aukera bakarra aurkitu dute ordea: Artigasko zabortegian lurperatzea. Horretarako, 2016an zabortegia gehiago handitzeko lanak hasi behar izan zituzten.

GHK-k ez daki zer egin 60.000 tona zaborrekin

Gipuzkoan 160.000 tona errefus sortzen dira egun eta gehiengoa Mutiloako Lurpe zabortegira eramaten da orain, eskualdeko udalen iritziaren kontra. Nolanahi ere, oraindik 60.000 tona geratzen zaizkio esku artean GHK-ri, eta gaikako bilketa orokorturantz urratsik ematen ez duenez, aukeretako bat da kanpora bidaltzea, lehen Kantabriako Meruelora egin izan den bezala.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Zor bidegabea kanaletik interesatuko zaizu...
2018-07-19 | ARGIA
AHT-ren xahubidea
Bergarako lotuneko beste zati bat esleitu du Adifek: kilometroko 35 milioi euro

Espainiako Sustapen ministerioak Euskal Y-aren bigarren zati bat esleitu du Bergarako lotunean, trenbide azkarraren sareak bat egiten duen tokian.


Xahubidearen geografia

Europako Kontu Auzitegiak ezbaian jarri du Espainiako AHT sarea eta kritika oso gogorra egin dio ez delako eraginkorra izango; tartean Araba, Bizkaia eta Gipuzkoan eraikitzen ari diren Euskal Y trenbidea aipatzen du Europako txostenak, hau ere errentagarria ez dela izango azpimarratuz.

Bagenekien AHT eta antzeko azpiegitura erraldoiak eraikitzen dirutza joan dela azken bi hamarkadatan Espainiako Estatuan. Baina orain, Europako eta beste hainbat erakundeetako ikerketek baieztatu egin dute... [+]


2018-07-01 | Xabier Letona
Javier Onieva. Diru publikoaren zaindari eta gerlari
"Nafarroan alderdi bakarrak ere ez du zor publikoa ikuskatzeko interesik"

Gogorra da entzutea Nafarroan inongo alderdik ez duela zor bidegabean arakatzeko interesik, ez eskuinean ez ezkerrean. Edo aldaketaren gobernuak ez duela UPNk baino gehiago egiten zerga iruzurraren aurka. Berarekin jardun ondoren, argi ikusten da bankuek 2008an baino botere handiagoa dutela egun, eta botere publikoetatik nekez dagoela haien jarduerari aurre egiteko borondaterik.


2018-02-14 | ARGIA
Etxegabetze asko eragin duen IRPH indizearen auzia Europara iritsiko da, Arabako kasu batengatik

Arabako auzitegiak Europara eramango du IRPH klausulen inguruko auzia. Espainiako Auzitegi Gorenak, epaileen arteko desadostasun handiekin, atzera bota zuen Arabatik emandako epai bat, zeinak indize hipotekarioa baliogabetzat jo zuen.


Lizarrako kirol hiria: inoiz egin gabeko proiektuak 14 milioi euroko zuloa utzi dezake

Lizarran duela urte batzuk kirol instalazio bat eraikitzeko operazio urbanistikoak kiebrara eraman dezake udalerria, egungo alkate Koldo Leozen (EH Bildu) arabera. Nafarroako Kontuen Ganberak kaleratu berri duen txostenak susmo horiek baieztatu baizik ez ditu egin.


2018-01-23 | ELA sindikatua
Zor Publikoaren inguruko astea Iru˝ean

Nafarroako Parlamentu Sozialak -ELA tarteko- zor publikoaren aurkako astea antolatu du Iruñean, urtarrilaren 22 eta 26 bitartean. Astean zehar hainbat ekitaldi eta hitzaldi izango dira zor publikoaren inguruan. Aipagarria da Eric Toussaintzoren hitzaldia, alegia, zor ilegitimoaren aurkako batzordeko kidearen hitzaldia. Asteartean izango da, hilak 23, Iruñeako Kondestable Jauregian.


Kopenhagen Amager Bakke errauste planta, 'elefante zuri' berria

Aginte publikoek sustaturik altxatako eraikin oso handi, ospetsu eta garestia, aldi berean bere ustiapen edo mantenuan zama ekonomiko bihurtzen dena, horra zer den ingelesez White elephant eta frantsesez Eléphant blanc izendatzen dutena. Hondakinetatik negozio egiten duten korporazioek Kopenhageko Amager Bakke erraustegi berria saltzen dute munduko aurreratuena delakoan. Aldiz, martxan jarri aurretik bihurtuta dago herritarrentzako buruhauste galanta.


Dema itzela Irlandan: Apple eta mundu guztia versus gizon bakarra

Planetako jende burutsuenei uneoroko zoriona zerbitzatzen dien Apple multinazionalak Irlandan eraiki nahi du Europako datu biltegirik handiena, 850 milioi euroko inbertsioa datozen 15 urteetan. Ordaindu gabeko zergetan lehendik milaka milioi ostu dizkien arren, irlandar ia guztiek nahi dute Applek berriro hauta ditzan bere negozioetarako. Ez denek, ordea. Bada norbait jarraitzen duena epaitegietan borrokan urrezko sagarraren asmoaren kontra.


Eguneraketa berriak daude