Errauskailuaren baimenak kalkulu tekniko okerren gainean emanik?

  • Zubietako Herri Batzarraren eta herritar talde baten ordezkaria den Maribi Joaristi abokatuak salatu duenez, Eusko Jaurlaritzako Ingurumen Saileko teknikari batek aitortu die Zubietako errauste plantari ingurumen baimen bateratua ematerakoan bazekitela kalkuluak oker eginda zeudela.

ARGIA @argia
2013ko otsailak 07
Zubietako errauste planta kokatu nahi zuten gunea.

Zubietako Herri Batzarrak, herritar talde batek eta Usurbilgo Udalak jarrita daukate helegitea ingurumen baimen bateratuari. Abokatuaren esanetan, teknikariak onartu du baimena eman zutela, nahiz eta jakin oker kalkulatuta zegoela Zubietako plantak zenbat energia sortzeko gaitasuna izango lukeen.


Gipuzkoako errauskailua kanaletik interesatuko zaizu...
2016-09-26 | ARGIA
GHK-k hilabetez luzatu die enpresei Zubietako erraustegiaren deialdira aurkezteko epea

Kontratazio mahaiak “arrazoi teknikoak” argudiatu ditu Gipuzkoako buletin ofizialean jakinarazi den erabakia hartzeko. Urriaren 27ra arteko epea dute orain enpresek.


2016-09-17 | Estitxu Eizagirre
Zinemaldiko ekitaldia eten zuten bi aldarriak, kaletik

Preso gaixo politikoak etxeratzeko eta erraustegirik ez egiteko oihuek eten zuten Zinemaldiko irekiera ekitaldia. Batzuei eta besteei pankartak kendu eta kaleratzea segundu kontua izan zen. Kanpoan, bake sozialaren itxura zaintzeko indarrek ez zuten informazioa sormenez kaleratzeko tarte hori ere eman.


2016-09-16 | Estitxu Eizagirre
Gaur izango da Gipuzkoa Zutiken hurrengo kapitulua, Zinemaldian

18:00etan Boulevardean hitzaldia antolatu dute. Jarraian asanblada egingo dute eta 19:00etan Kursaalera joateko deia luzatu dute, "arropa dotoreak eta maskarak jantzita". Zinemaldia baliatuko dute herritarrei erraustegiaren inguruko informazioa zabaltzeko.


2016-09-09 | ARGIA
Zubietako erraustegia eraikitzea gerarazteko sinadura bilketa abiarazi dute

Gipuzkoako Foru Aldundiari zuzendua dago guraso talde batek hasitako ekimena eta helburua da Zubietan eraiki nahi den errauste planta proiektua geraraztea.


2016-09-08 | Estitxu Eizagirre
Bizitzaren aldeko polka dantzatuko dute herritarrek Zarauzko Euskal Jaian

Bizitzaren aldeko polka dantzatzera dei egin du Zarautzen ere Zutik ekimenak, irailaren 9an (Euskal Jaian), 19:00etan txosna-gunean. Alkateak ahoz jakinarazi zien pankartetan "Ustelak lurpera, bizitza da handiena" lema jartzeko baimenik ez dutela. Jaien ondoren, herritarrei Zarautzen ere Zutiken parte hartzeko deialdi zabala egingo dutela iragarri dute.


"Erraustegiagatik kezkatuta egoteko arrazoiak daudela uste dugu"

Azkenaldian jende askoren ahotan dagoen gaia da erraustegiarena. Osasunean izan dezakeen eraginak kezkatzen du herritar asko, eta eragin horri buruz hitz egin du, hain zuzen, Karkarak Orioko medikuekin.


2016-08-31 | Estitxu Eizagirre
Kontxako estropadetako bigarren iganderako giza katea deitu du Errausketaren Kontrako Mugimenduak

Aldundiari eta GHKri eskatu diote erraustegi proiektua albo batera utzi eta benetako prozesu parte-hartzailea martxan jartzeko, hondakinen kudeaketa adosteko. Proiektua pribatizatzeak herritarrei ordaindu beharrekoa "ikaragarri garestitu" diela nabarmendu dute, eta sortzen dugun errefus kopurua "erabaki politikoen menpe" dagoela.


2016-08-30 | Estitxu Eizagirre
GuraSOS
Abuztock jaialdian parte hartzeko deia egin eta urrats juridiko gehiago iragarri ditu GuraSOSek

Irailaren 4an "errebolta baketsua" antolatu du GuraSOSek: "Aldundiak erraustegiari buruz erabakitzeko prozesua irekitzeari ezetz eman dio eta erabaki horrek herritarrenganako begirune eza adierazten du. Gizarteari dei egiten diogu bere ahotsa entzunarazi dezan". Pertsona ezagunen hitzaldi laburrak eta musika izango dira jaialdian. Urrats juridiko gehiago iragarri dituzte.


2016-08-26 | Estitxu Eizagirre
Joseba Belaustegi, GuraSOS
"Epaia aldekoa bada, parte-hartze prozesua abian jarriko da eta bitartean ezingo da lizitazioa aurrera eraman"

Haurren osasunaz kezkatuta, erraustegi proiektuaren inguruko "benetako eztabaida" eskatzen du GuraSOS elkarteak. Bertako kide Joseba Belaustegik azaldu digu zehazki zein den auzitegietan hasi duten bidea, eta zer den epai horretan jokoan dagoena.


GuraSOSen galdeketa gertuago, epaitegiak aldundiaren argudioak baztertu ostean

Erraustegiaren aurkako familien plataformak zortzi egun ditu parte-hartze prozesu bat abiatzea eskatzeko. Aldundiaren arabera, galdeketak pertsonek soilik deitu ditzakete.


2016-07-28 | Lander Arbelaitz
Protesta artean onartu dituzte Zubietako erraustegiaren lizitaziorako baldintza pleguak

Zubietan Erraustegia eraiki eta kudeatzeko lehiaketaren baldintza pleguak onartu ditu Gipuakoako Hondakinen Kontsortzioak (GHK) osteguneko ez-ohiko batzar. EAJ eta PSEren eskuetan dauden Gipuzkoako Aldundiak eta mankomunitateek lizitazioa onartu dute (botoen %89,7) eta EH Bilduko Tolosaldeako eta Urola Erdiko mankomunitateek aurka bozkatu dute (%10,3).


2016-07-22 | Estitxu Eizagirre
Erraustegi proiektuari moratoria eskatu diote alderdi politiko, sindikatu eta gizarte eragileek

Hondakinak kudeatzeko Gipuzkoak behar dituen azpiegiturei buruz hausnartzeko eta "eztabaida serio, sakon eta partekatua egiteko" sei hilabeteko luzamendua eskatu diete EAJ eta PSEri eragile hauek: EH Bildu, Ahal Dugu, Ezker Anitza, Equo, ELA, LAB, ESK, CCOO, STEILAS, Eguzki eta Erraustegiaren Kontrako Asanblada.


"Errauskailuak behartutako egoera honetan, GHKtik ateratzea ere aztertuko dugu"

Zubietako erraustegiaren proiektuak urrats esanguratsua egin dezake uztailaren 28an, Gipuzkoako Hondakinen Kontsortzioak (GHK) azpiegitura eraiki eta kudeatzeko baldintza-pleguak onartuko baititu. Xabier Arregi Usurbilgo alkatearen esanetan udalerriak “kate motzean” lotu nahi dituzte. Hala, Usurbilgo udal plenoan proposatuko dute batzorde batek aztertzea juridikoki, ekonomikoki eta teknikoki San Markotik –eta ondorioz GHKtik– ateratzeko aukera.


2016-07-20 | ARGIA
U28: Zubietako errauskailuarekin Gipuzkoako herriak zorpetuko dituzten eguna

Egun erabakigarriak dira Zubietako errauskailuaren aferan. Uztailaren 28an abiatuko du GHK-k azpiegitura eraiki eta kudeatzeko esleipena eta horren aurretik mugimendu ugari izaten ari dira kontrako eta aldekoen artean. Hemen jarraituko ditugu.


2016-07-19 | ARGIA
Usurbilgo erraustegiari buruzko galdeketaren emaitza lehen eskutik jakingo du Gipuzkoako Aldundiak

Erraustegia Erabakia plataformak prest dauka irailaren 30etik urriaren 2ra egingo duen kontsultarako protokoloa.


2016-07-11 | ARGIA
Hilaren 28an abiarazi nahi dute Zubietako erraustegiaren kudeatzailea hautatzeko lehiaketa

Zubietako errauste planta eraiki eta 35 urtean Gipuzkoako hondakinak kudeatuko dituen enpresa taldea hautatzeko lehiaketa uztailaren 28an jarriko dute abian, kontsortzioan EAJ eta PSEko hautetsiek daukaten nagusitasuna baliatuz.


2016-07-11 | Zarautz Zutik
Besarka ezazu osasuna
MULTIMEDIA - bideo herrikoia

Begiak estalita eta besoak zabalik zeuden bi lagun kartel bana jarri zuten alboan Zarauzko malekoian; batek, errausketaren aldekoen besarkadak eskatzen zituen eta besteak, berriz, errausketaren kontrakoak.


Azkenak
EGILEA
Eguneraketa berriak daude