Eric Holt: "Elikadura Burujabetzak balio du independentziaren kontzeptuan sakontzeko"

ARGIA @argia
2013ko apirilaren 03a
Eric Holt-Gimenez.

“Azkenaldian, Europa eta batez ere Iberia bizitzen ari den krisi ekonomikoa dela-eta, erantzun berritzailea sortzen ari dela ikusi dut Euskal Herrian, beste lekuetan ikusi ez dudana. Era berean, interes handia ikusten dut baserritartzean, landa-eremura itzultzea zerbait arrunta da, ez bakarrik nekazaritzan oso sartuta dagoen jendearen artean, baita gazteen artean ere, ez baitute bestelako etorkizunik ikusten eta pentsatzen dute landa izan litekeela alternatiba beraientzat”.

“Niretzat oso interesgarriak dira munduko elikadura mugimenduan duden bi joera nagusiak. Bat oso aurrerakoia da; oso tematuta dago alternatiba oso praktikoak sendotzen, kontsumo taldeak, forma agroekologikoak, ekoizpen organikoa eta abar. Eta beste joera bat dago askoz ere erradikalagoa; erakundeak eta joko-arauak aldatu nahi ditu. Egiturazko eraldaketa egin nahi du eta badauzka planteamenduak, Elikadura Burujabetza bezalakoak edo nekazaritza Munduko Merkataritza Erakundetik ateratzea bezalakoak. Benetan jokoaren arauak aldatu nahi dituzte eta elikadura sistema demokratizatu nahi dute termino politikoetan. Esperantza handia ematen dit ikusteak bi joera horiek, aurrerakoia eta erradikala, bat egiten ari direla”.

“Elikadura Burujabetzak balio du independentzia eta autonomia kontzeptuetan sakontzeko eta problematizatzeko. Bestelako elementu batzuk emateko. Niretzat Euskal Herriak perspektiba handia dauka gai honetan, elikadura burujabetza oso testuinguru egokian jaiotzen da, giza-duintasunaren aldeko beste borrokak elikatu eta aurrera eramaten lagun dezake zuena bezalako testuinguru geografiko eta kulturalean”.

“Datozen 10 edo 15 urteetan munduko ekonomiak momentu zailak pasako ditu, katastrofikoak ez esateagatik. Komunitateei egokituko zaie geroz eta gehiago euren problema sozial eta ekonomikoak konpontzea. Uste dut jendea jada pistak ematen ari zaigula, gazteak nekazaritzara nola itzuli bilatzen ari dira eta kontsumitzaileek tokiko ekoizle txikiekin nola lotu. Hori da bidea datorkigunari aurre egin ahal izateko eta bide berriak sendotzeko, eraldaketa berriak, ez bakarrik lokalak, globalak baizik”.

Kanal hauetan artxibatua: Elikadura burujabetza  |  Ekonomia soziala  |  EHNE

Elikadura burujabetza kanaletik interesatuko zaizu...
Indian agroekologia 'Zero Aurrekontuko Nekazaritza' esaten da

Agroekologia ez da hirietako ekologista snob jendearen edo beren soro-baratzeak kimikoz pozoitzeari uko egiten dioten nekazari erradikalen kontua, Mendebaldean askok pentsa lezakeenaren kontra. Kuban ez da, eta atzerritarren blokeoak jendea gosez ez hiltzea lortu zuen. Indian, berriz, nekazaritza industrialak txirotasunera eta suizidiora kondenatutako laborariei duintasunez bizirautea ahalbideratzen die.


2017-05-14 | Garazi Zabaleta
Oarsoaldean supermerkatu eredutik aldentzen

“Gure inguruko lehen sektorea egoera zailean zegoela bagenekien. Aldi berean, supermerkatu handiz inguratuta geundela ikusten genuen. Horri buelta emateko erabaki genuen Oarsoaldeako lau herrietako –Lezo, Oiartzun, Pasaia eta Orereta-Errenteria– zenbait herritarrek Labore elkartea sortzea”. Jon Legorburu elkarteko kidearen hitzak dira, Laboreren hastapenaz. Denda ireki dutenetik hilabete inguru pasatu den honetan, pozik daude herritarren aldetik jasotzen ari diren... [+]


Agroekologia eta elikadura burujabetzaz ikastaroa antolatu dute Hegoa-EHUk eta EHNE-Bizkaiak

Baserrritik mundura: Gure Elikaduraren etorkizuna jokoan” darama izenburu, aurtengo urrian hasiko da eta 2018ko azaroa arte luzatuko 750 orduko ikastaroa osatuz. Kurtso zabal honekin antolatzaileek 30 pertsona trebatu nahi dituzte elikadura burujabetzan eta agroekologian, Hezkuntza Popularraren metodologien bitartez, nazioarteko La Via Campesinako formazio prozesuen ezaugarriei jarraituz.


Elikadura burujabetza modan dago, milioika nekazari ikusezinak ez

Nahasketa berezia osatzen zuten apirilaren 24tik 26ra Elikadura 21 biltzarrerako Gasteizko Europa zentrora mundu osotik etorritako baserritar, unibertsitario eta mugimendu sozialetako kideek. Aztergai zeuzkaten Elikaduraren etorkizuna eta nekazaritzaren erronkak XXI. menderako. Eztabaiden muinean, elikadura burujabetza: nekazari txikien Via Campesinak 1996an sorturik, XXI. mendeko krisitzarraren ostean eskuinak ere bereganatu nahiko lukeen kontzeptua.


Merkatuan saltzen diren tomateen %34 Monsanto eta Heinzen propietate dira

Egun erabiltzen diren hazi hibridoak multinazional espezializatuek soilik egin ditzakete, eta horien liderra Monsanto da. Merkatura zabaltzen dituena, berriz, Heinz multinazional boteretsua da. Bide beretik jarraituz gero, elikadura merkatu pribatuen eskuetan bukatuko duela ohartarazi dute.


Mikel Hiribarren: Iparraldeko etxaldeetako hegaztien borroka eta nekazaritza ereduen talka

Mikel Hiribarren laborari eta ELBko sindikalista izan zen hizlarietako bat Elikadura 21 biltzarraren lehen mahainguruan, zeinak titulutzat baitzeraman  "Kapitalismoa eta klasea: kapital, ondasun eta jendeen fluxuak nekazaritza, abeltzaintza eta arrantzan". Gaia maila teoriko eta makro batetik landu zuten mahaikiden ondoan, Hiribarrenek mikro mailatik abiatu eta Euskal Herriko nekazariek asteotan bizi duten gatazka oso lokal baten ezaugarriekin zehaztu zituen gaurko arazo... [+]


Mixel Berhokoirigoinen galderak nekazaritza iraunkorraren geroaz... bideokonferentziaz luzatuak

Elikadura 21 biltzarra irekitzeko saio nagusian egotekoa zen Mixel Berhokoirigoin, Euskal Herrian elikadura burujabetzaz eta nekazaritza iraunkorraz interesatzen direnen erreferentzia nagusia. Ez zuen, ordea, Gasteizeraino hurbiltzerik izan, ETAren desarmatzeko mugimendu zibilean egindako lanaren ordainetan Parisko epaile batek Frantziatik irtetea eragotzi diolako. Berhokok bideoz eman zuen bere hitzaldia, Europa jauregian bildutakoek txalotu zutena eta ARGIAk transkribiturik hemen eskaintzen... [+]


'Elikadura Burujabetza' ideia arrakastatsua nola ez utzi manipulatzen ultraeskuindarrei

Hogei urtean ‘Elikadura Burujabetza’ asmakizun exotiko izatetik pasatu da Donald Trump, Marine Le Pen eta halako populista ultranazionalistek berenganatu nahi izatera. 2008an lehertutako krisitzarrak eman bide dio arrakasta. Lortuko ote du Via Campesinak eta oro har nekazari txiki erresistenteen sareak ideia sorrerako izpirituan atxikitzea?


Elikaduraren etorkizuna eta nekazaritzaren erronkak aztertuko ditu 'Elikadura21' biltzarrak Gasteizen

Susan George, Mixel Berhokoirigoin eta beste hizlari hautatuz osatutako elkarrizketarekin gaur arratsaldeko 19:00etan emango zaio hasiera Gasteizen 'Elikadura21: Elikaduraren Etorkizuna Eta Nekazaritzaren Erronkak XXI Menderako' biltzarrari, Hagako ISS Institute for Social Studies instituluak sustatzen dituen nazioarteko jardunaldien baitan, EHNE Bizkaia sindikatuarekin eta Etxalde mugimenduarekin elkarlanean. Mundu osoko aditu, unibertsitateko ikerlari eta herri mugimenduetako... [+]


Astelehenetik Elika21 biltzarra Gasteizen, elikaduraren etorkizuna eta nekazaritzaren erronkez

Astelehenetik (24) asteazkenera bitartean Gasteizen burutuko dira, "Elikadura21: Elikaduraren Etorkizuna Eta Nekazaritzaren Erronkak XXI Menderako" titulua daramaten elkarrizketak Hagako ISS Institute for Social Studies instituluak sustatzen dituen nazioarteko jardunaldien baitan, EHNE Bizkaia sindikatuarekin eta Etxalde mugimenduarekin elkarlanean. Mundu osoko aditu, unibertsitateko ikerlari eta herri mugimenduetako militanteak bilduko dira bi egun eta erdiko jardunaldiotan... [+]


Azkenak
EGILEA
Eguneraketa berriak daude