Estitxu Villamor

"Eredu energetikoaren inguruko hausnarketa bultzatu nahi dugu, bide okerretik goazela ohartarazteko"

  • Araban, Subillako putzuan hasiriko proiektuari aurre egiteko Berriztu! taldea sortu da. Ingurumenean eta gizartean gasa ateratzeko zulaketek izan ditzaketen ondorioak ezagutaraztea eta proiektu horiek geldiarazteko presio egitea dituzte helburu.

Iosu Alberdi Atxurra @atxurraa
2016ko azaroak 29

Taldeko kide Estitxu Villamorrek eman digu ekimenaren eta Subillako putzuak eta ondoren iritsi daitezkeenek izan dezaketen eraginen berri.

Nondik dator Berriztu! proiektua?

Urriaren hasieran elkartu ginen Araban gasa erauzteko planen inguruan hitz egiteko. Lehen frackingaren bidez egin nahi zutena orain teknika konbentzionalen bidez egiteko asmoa dute. Horren aurrean arduraturik talde bat gaiaren inguruan aritzeko biltzen hasi ginen. Fracking Ez plataformak gidatuta hasi arren, oso jende desberdina bildu gara eta talde berri bat sortu dugu, Berriztu!

Zeintzuk dira taldearen helburuak?

Hiru helburu nagusi ditugu. Lehena izango litzateke mobilizazioaren bidez Subillako putzua bertan behera geratzea. Bigarrenik, eredu energetikoaren inguruko hausnarketa bultzatu nahi dugu, gizarteari bide okerretik goazela ohartarazteko. Azkena alternatibak bilatzeari dagokiona izango litzateke, hartu daitezkeen bideen inguruko hausnarketara deituz.

Gasa trantsiziozko energia garbi bat dela sinestarazi nahi digute, baina indarra azpiegitura hauetan jartzen bada beste energia eredu batzuetan inbertitzea oztopatzen da, energia berriztagarrietan adibidez. Energia ereduan berehalako aldaketa bat beharrezkotzat jotzen dugu guk.

Fracking Ez plataformari jarraipena ematen dio Berriztu!-k.

Ez nuke hori esango. Nik uste dut beste mugimendu bat dela. Fracking Ez izan zen proiektu honen inguruko kezkak azaleratzen lehena. Orain, ordea, bi talde dira.

Subillako putzuan egin nahi diren zulaketen ondorioz sortu da taldea. Zer da zehazki egin nahi dutena eta zer dira bertan erabiliko dituzten “metodo konbentzionalak”?

Kontuan izan behar da, metodo konbentzionalak erabiliko dituztela dioten arren, formazio geologikoa ez konbentzionala dela. Formazio konbentzionaletan gasa lur azpian egoten da, baina iragazkortasun handia duten arroketan. Ondorioz, leku horietan erraza da zulaketa bakar baten bidez inguruko gas guztia kanporatzea. Kasu honetan bezala, formazioa ez konbentzionala denean, ordea, gasa sakabanaturik dago eta arrokek iragazkortasun eta porotasun txikiak dituzte. Beraz, zulaketa bakarrarekin gasaren proportzio txiki bat kanpora daiteke. Ondorioz ehunka zulo egin beharko lirateke gasa kanporatzeko.

Ez dira orain arte ezagutzen ditugun zulaketak, lehenik bertikalki egiten dira, eta ondoren horizontalki ahalik eta eremu handiena hartzeko.

Zer ondorio izango lituzke?

Orain zulo bakarra planteatzen dute ikerketarako, baina benetan Arabako lur azpian dagoen gasa atera nahiko balute ezinbestekoa izango litzateke ehunka edo milaka putzu egitea. Arabako landa eta baso eremuak eremu industrial bilakatuko lirateke. Eraginak frackingaren antzekoak dira.

Arabako biodibertsitatea eta nekazaritza eremuak arriskuan daude. Lan horiek eragiten dituzten CO2 isurketak handiak dira eta kontuan izan beharrekoa da putzu horietan dagoen metano kopurua. Hainbeste putzurekin ez litzateke arraroa izango metano isurketaren bat egotea. Metanoak CO2ak baino berotegi efektu handiagoa eragiten du.

Nola eragin dezake beste eskualdeetan?

Hau lehen putzua izango litzateke. Eusko Jaurlaritzako Energia eta Meategi zuzendari Aitor Oregik aipatu izan du Arabakoa lehena dela, baina Euskal Herriko beste hainbat lekutan ere proiektuak badaudela, tartean Bizkaia.

Epe labur edo ertainera ekimenik pentsatu al duzue?

Gure lehen asmoa arazoa kalera ateratzea da, herritarrak informatuz. Lehen mobilizazioa azaroaren 27an egin genuen, Arabako Batzar Nagusiak bildu ziren eta bertan gaia eztabaidatu zen. Mozio bat aurkeztu zen, besteak beste, Eusko Jaurlaritzari eskatuz proiektuari uko egin diezaiola. Han geundela jakin genuen mozioa ez zela aurrera atera.

Kalean mobilizatzeaz gain ahalik eta bide gehien jorratu nahi ditugu. Hainbat mozio sortzen saiatuz instituzioetan ere eragina izan dezagun.

Bestalde, jendea animatu nahi dugu, batez ere Gasteiz ingurukoa, ostegunetan arratsaldeko zazpietan Iparralde gizartetxean egiten ditugun bileretan parte hartzera.

Kanal hauetan artxibatua: Hidrokarburoak  |  Araba  |  Gasteiz  |  Frackingaren arriskua

Hidrokarburoak kanaletik interesatuko zaizu...
2017-04-25 | Unai Brea
Dakotako oliobide proiektutik finantzazioa kentzeko eskatu diote BBVAri

Espainiako Ekologistak Martxan taldeak eta AEBetako hainbat mugimenduk bat egin dute apirilaren 25ean sare sozialen bidez BBVAri eskatzeko Dakota Accces Pipeline oliobide proiektuari finantzazioa ken diezaiola. Barack Obamak oliobidearen eraikuntza geldiarazi zuen 2016ko abenduan, Sioux herriak eta hainbat estatubatuar talde ekologistak Standing Rocken egindako borrokaren ondorioz, baina Donald Trumpen administrazioak berriro ipini du abian.


2017-04-02 | Unai Brea
Frackinga albo batera utzita ere, gasa jomugan du Jaurlaritzak

Iazko urrian jakin zen Eusko Jaurlaritza, SHESA sozietatearen bitartez, baimena tramitatzen ari dela gas putzu bat irekitzeko Subilla Gasteizen, hainbat urtez fracking bidez zulaketa egin nahi izan zen lekuan bertan. Haustura hidraulikoa legeak baztertu duen honetan, eztabaida beste esparru batzuetara lerratu da dagoeneko. Batez ere galdera honetara: onargarria da gasa bilatzeko diru publikoa inbertitzea?


2016-10-05 | Unai Brea
Subilla Gasteizen ireki nahi duten gas putzua dela-eta kezka agertu du Fracking Ez plataformak

Fracking Ez plataformak kezka agertu du Euskadiko Hidrokarburoak (SHESA), Eusko Jaurlaritzaren menpeko sozietate publikoa, Armentia-2 izeneko gas putzu baterako baimena tramitatzen ari delako. Subilla Gasteizen dago putzu hori, azken urteetan SHESAk fracking teknika erabiltzeko asmoa izan duen leku berean.


Zientoka militante, petrolio multinazionalen Paueko biltzarra oztopatu nahian

Erregai fosilen ustiaketan liderrak diren multinazional handienak biltzen dira apirilaren 5etik 7ra Biarnoko Pauen MCE Deepwater Development 2016 kongresuan, itsaso sakonetako zundaketa teknikak hobetzeko, klimaren aldaketa konpontzeko egindako COP21 mundu biltzarraren biharamunetan. BP, Exxon, Repsol, Total, Shell eta gainerako ekoizle erraldoiek aurrez aurre aurkitu dituzte Bizi, Nation Océan eta ANV-COP21 taldeetako kideak, bilerak oztopatzeko ahaleginean.


Klima aldaketaren kontzientziaren aitak dio Parisko Hitzarmena "iruzurra" dela

NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik biltzen ez dituelakoan.


2015-12-14 | ARGIA
Raul Zibechi: "Venezuela bilakatu da Saudi Arabia berria, munduko botere banaketan giltzarria"

Raul Zibechi kazetari uruguaitarra chavismoak azken urteotan eramandako bidearekin kritiko agertu da ezkerretik. Azken hauteskundeen bezperetan idatzi du Venezuelari buruz "Cruce de Caminos" artikuluan. Herrialde honetako edozer baldintzatzen duen datu nagusia azpimarratzen du: petrolioaren geopolitika. Hona zati bat euskaraturik.


2015-12-12 | Unai Brea
Klimaren Parisko Hitzarmena: AEBak eta hidrokarburo ekoizleak garaile

“Parisko Hitzarmenak ez du planeta salbatuko baina klima aldaketaren aurkako gurpila hasi da biratzen, eta ez da gutxi”. Txio batean idatzitako hitz horien bidez laburbildu du Unai Pascual BC3ko ikerlariak COP21 klimaren gailurra. Akordioaren behin betiko testua aurkeztu dute jada Parisen; berrespenerako epea 2016ko apirilean zabalduko da.


2015-12-11 | Unai Brea
Klimaren lehia Parisen: kalean soluzio eske, gailurrean geroa kolokan jartzen

Halakoetan ohi denez, bata bestearen ondoren iragarritako epeak behin betiko akordiorik gabe agortuz doaz Parisko klimaren goi-bileran. Ostiralerako behar zuena larunbat goizerako hitzeman du Laurent Fabius Frantziako Kanpo ministroak. Aldi berean mobilizazio erraldoiak espero dira Parisen, COP21eko akordio globalak emango ez duenaren eske: klima aldaketari aurre egiteko neurri zehatz eta ausartak.


2015-12-10 | Unai Brea
AEBen garaipena Parisen: gas isurpenak murrizteko planak ez dira lotesleak izango

Aurreikusita zegoen bezala, COP21 klimaren gailurrean adostuko den nazioarteko hitzarmena ez da erabat loteslea izango. AEBek lortu dute akordioaren zirriborroa beren aldera lerratzera: herrialde bakoitzak aurkeztutako CO2 emisioak murrizteko planen betekizuna ez du nazioarteko organismo bakar batek ere kontrolatuko.


2015-12-09 | Unai Brea
Klimaren gailurra azken txanpan: ausardiarik gabeko akordiorantz

Akordio global baina ez guztiz loteslerako bidean da Parisko COP21. Gainditu ezinezko tenperatura igoera finkatuko da, baina helburuak lortzeko neurriak zehaztu gabe, ekonomiaren benetako deskarbonizaziorako plan zorrotzik gabe eta orain arte huts egin duten sasi-irtenbideak agendan mantenduz.


Eguneraketa berriak daude