Erdogani erabateko boterea emateko erreferenduma ez dela demokratikoki egin salatu dute
Turkian demokrazia parlamentariotik sistema presidentzialistara igarotzeko galdeketan baiezkoak irabazi du, bozen %51,2rekin. Oposizioak iruzurra salatu du eta begiraleek esan dute prozesua ez dela demokratikoa izan. Erdogan presidenteak, ordea, historikotzat jo du garaipena.
Recep Tayyip Erdogan Turkiako presidenteari boterearen gehiengoa emateko erreferendumean baiezkoak irabazi du, gutxigatik, eta emaitzek herritarren arteko arrakala handitu dute. Oposizioko alderdi nagusiak, CHP Herriaren Alderdi Errepublikanoak, esan du Europako Giza Eskubideen Auzitegira joko duela, prozesuan “irregulartasunak” egon direlako. HDP Herriaren Alderdi Demokratikoak iruzurra salatu du eta emaitzen bi heren inpugnatuko dituela iragarri du.
ESLA Europako Segurtasun Lankidetzako Antolakundeko begiraleek esan dute ez direla bete Europako Kontseiluaren estandarrak, bozketa larrialdi egoeran egin delako. Uztaileko estatu-kolpe saiakeraren ostean ezarri zen eta ordutik “adierazpen askatasuna eta zuzenbide estatua urratu” egin direla salatu du ESLAk. Erdoganek esan du ez diela jaramonik egingo begiraleen txostenei eta “bere bidean” jarraituko duela.
Botere betearazle eta legegileari eragingo dizkioten 18 neurri-sortaren onarpena zegoen jokoan galdeketaren bitartez. Besteak beste, lehen ministro kargua abolituko da eta presidenteak kabinetea izendatu eta hainbat presidenteorde izango ditu; zentsura mozioak ezartzeko aukera kenduko da eta Legebiltzarrak ez ditu ministroak gainbegiratuko; eta Auzitegi Goreneko hamahiru epaileetatik lau presidenteak izendatuko ditu.
Erreformaren aldekoek diote Turkia indartuko duela, garapen ekonomikoa lortzeko eta terrorismoari aurre egin ahal izateko. Aurkariek, berriz, ohartarazi dute Erdogani erabateko boterea emango diola. HDPk salatu du sistema presidentzialistak “gerra eta genozidioa” indartuko dituela.
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Botoen %52,1ekin irabazi du Erdoganek, eta aurkariak, Kemal Kiliçdarogluk %49,7eskuratu du. Emaitzak ezagutu ondoren, nazioarteko buruzagiek Erdogan zoriondu dute.
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]
Epaiketaren lehen eguna amaituta eta bederatzi kazetari kurduak askatu dituzte. Urte erdia pasatxo preso eduki dituzte "terrorismoa" egotzita. Ankarako espetxean zeuzkaten eta orotara hamaika kazetariri erakunde terroristako kide izatea egozten diete.