Erdoganekin kritiko den Hamza Yalçin kazetaria atxilotu du Espainiako Poliziak

  • Turkiako presidente Erdoganen kontrako hainbat iritzi artikulu idazteagatik herrialdeak emandako nazioarteko atxilotze agindua dela eta, Hamza Yalçin jatorri turkiarreko kazetari suediarra atxilotu eta behin-behinean espetxeratu du Ismael Moreno epaileak.

Xalba Ramirez @xalbaram
2017ko abuztuak 10

Abuztuaren 3an atxilotu dute Bartzelonako aireportuan, Londresera joateko hegazkin bat hartzear zela. Focus aldizkari turkiarrean idatzitako artikulu baten harira igorri zuen Turkiak apirilean Yalçin-en kontrako atxilotze agindua. Herriaren Askapenerako Alderdi-Fronte Iraultzailearekin (DHKP-C) “harreman terroristak” izatea ere egozten diote, Odak aldizkari turkiarrean beste bi artikulu idatzi izanagatik.

Turkiak 40 eguneko epea du estradizio eskaera formalizatzeko, Europako estradizio hitzarmenaren arabera. Hori egoki egin ezean, aske geratuko da Yalçin. Kazetariak Espainiako Estatuan inolako loturarik ez duelako espetxeratu du behin behinean Moreno epaileak.

Yalçin Odak Dergisi aldizkari sozialistako erredaktore buru izandakoa da, eta Amnistia Internazionalekin egin izan du lan. 1984tik Suedian bizi da eta herrialdeko idazleen elkarteko kide da.

Adierazpen askatasunaren aldeko hainbat elkarte ari da Yalçinen askatasuna eskatzen, tartean Suediako kazetarien elkartea, #HamzaYalcin traolan ikus daitekeenez.

 

Kanal hauetan artxibatua: Adierazpen askatasuna  |  Turkia  |  Espainiako Polizia

Adierazpen askatasuna kanaletik interesatuko zaizu...
2017-08-22 | Xalba Ramirez
Umorez erantzun dio Hontzak konpartsak "zentsura eklesiastikoari"

Umorez erantzun dute Hontzak konpartsako kideek astelehenean beren txosnako dekorazioa kendu izana. Agindu judizial baten ondorioz erretiratu du Ertzaintzak txosnan zeukaten “Vatikanoko Harategiak” instalazioa, “sentimendu erlijiosoak mintzen” dituelakoan.


2017-08-21 | Xalba Ramirez
Ertzaintzak Bilboko Hontzak konpartsaren "Vatikanoko harategiak" dekorazioa kendu du

Bilboko Hontzak konpartsaren txosnatik "Vatikanoko harategiak" izeneko dekorazioa kendu du astelehen goizean Ertzaintzak.


2017-07-13 | ARGIA
EiTBk ez du emititu Espainiako gerra zikinari buruzko dokumentala, iragarrita zuen arren

Las cloacas de Interior dokumentala asteazken gauean eskaini behar zuen, TV3 eta IB3-rekin batera, baina euskal kate publikoak entretenimendu programa bat jarri zuen azkenean.


2017-06-08 | Baleike
Kalea Guztiona da: lehen muraletik urtebetera, hutsuneak betetzen jarraitzeko festa Zumaian

Orain urtebete inguru lehen murala margotu zuten Kalea Guztiona Da mugimenduko kideek Euskal Herri mailan famatu egin den Zumaiako Erribera kaleko horman. Ekitaldiz betetako festa eguna izan zen iazkoa eta aurten errepikatzeko asmoa erakutsi dute. Kolore guztiak debekuen kontra! izenarekin, Torreberri azpian egingo dute bigarren festa eguna larunbatean.


2017-05-22 | Aiaraldea.eus
Alfredo Remirez 'Erreharria' urtebetez espetxeratu nahi du Auzitegi Nazionalak

Espainiako Auzitegi Nazionalak urtebteko espetxealdia ezarri nahi dio Alfredo Remirez amurrioarrari. Haren abokatuak azaldu duenez, 2009an jasotako zigorra betearazi nahi dio, 2017ko zigor bat baliatuta.

 


Kurduerazko egunkari bakarraren webgunea itxi du Turkiak: Rojeva Medya

Kurdistanen aurkako politikan pauso bat gehiago eman du Turkiako Gobernuak: Rojeva Medya-ren webgunerako sarbidea debekatu du, herrialdean kurdueraz dagoen egunkari bakarra, ANF News-ek jaso duenez.


2017-05-19 | ARGIA
"Herri mugimenduaren bozgorailu izateko jaio ginen eta horrela jarraituko dugu"

Errekaleor auzo okupatuan Ertzaintzak Hala Bediko kazetari bati eraso egin eta mugikorra hautsi dio ostegunean. Irrati libreko kideek oharra plazaratu dute gertatutakoa salatu eta lanean jarraituko dutela aldarrikatzeko: "Herri mugimenduaren bozgorailu izateko jaio ginelako eta horrela jarraituko dugulako. Erradikalak gara, bai. Eta erradikalak izaten jarraituko dugu". Irakurri jarraian oharra osorik:


2017-05-12 | ARGIA
Itziar Ituñoren kontrako boikota arbuiatu du Zinemaldiak

Donostiako Zinemaldiko zuzendari Jose Luis Rebordinos “boikot guztien aurka” agertu da ostiral honetan, festibalaren 65. Edizioa aurkezteko ekitaldian.


2017-05-09 | ARGIA
Euskal Aktoreen Batasuna "haserre eta kezkatuta" agertu da boikot kanpainekin

Euskal Aktoreen Batasunak (EAB) agiri baten bidez salatu ditu euskal aktoreen aurka zabaldu diren "difamazio-adierazpenak".


Larrialdi-egoera baliatuta, Frantzia kazetari bat jazartzen ari dela salatu dute

Frantziako agintariak Gaspard Glanz kazetariaren kontra tematuta daudela salatu dute haren abokatuek Reporterre aldizkarian. Larrialdi-egoera testuinguruan, haren lana oztopatzen ari direla azpimarratu dute.


Azkenak
EGILEA
Eguneraketa berriak daude