Erbetegi etxe historikoa bota dute Donostian, AHT egiteko

  • XVI. mendeko dorretxea larunbatean eraitsi zuten hondeamakinek Donostiako Martutene auzoan. Hiriko arkitektura kultuaren adibide bakan eta zaharrenetakoa zena ez mantentzea erabaki zuen administrazioak eta AHTko obrek aurrera egiteko bota dute, hainbat familia etxegabetu ostean.


2021eko martxoaren 01an - 09:50
Eraikin historikoa goitik behera bota dute, lehen solairuko harlandu batzuk salbu.

Larunbatean eraitsi zuten Erbetegi dorretxea. Donostiako ondare arkitektonikoaren parte garrantzitsua, Ancora elkartearen esanetan, jada argazkietan baino ez dugu ikusiko. Abiadura Handiko Trenaren trazatua haren ondotik igaroko dela-eta bota dute eraikina larunbatean hondeamakinek. Bertan bizi ziren azken bizilagunek otsaila hasieran utzi behar izan zuten euren etxea, derrigorrezko desjabetze azkarren ondorioz.

Hainbat familia bizi zen oraindik Erbetegin.

Erbetegiri izena Miguel Pérez Erbeeta batxilerretik zetorkion, XVI. mende hasieran Donostiako alkate izandakoa. Balizko Arkeologia Gune gisa katalogatua, arkeologoek onartu dute eraikina mende hartakoa zela eta orduko planoetan ere ageri da; areago, arkitektura zibil eta kultuaren elementu garrantzitsuak zituen. Baina Bigarren Gerra Karlistan bere barne egitura erre egin zela argudiatuta, bota egin dute.

Gipuzkoako Foru Aldundiko Kultura Sailak adierazi zuen atariko arkua eta beste hainbat elementu Irungo Gordailuaren biltegira eramango dituztela eta eraikinaren lehen solairuaren zati bat ere bere horretan utziko zutela. Hiruzpalau paletan pilatu dituzte harlandu batzuk, gainerakoa hondar eginda geratu da.

Erbetegin hamaika familia bizi ziren eta AHTren hasierako proiektuak euren etxea mantentzea aurreikusten zuen arren, "egunkari eta buletin orokorren bidez" jakin zuten trazatua aldatu eta eraikina behera botako zutela, jendaurrean azaldu zutenez. Adifen eta Donostiako Udalaren jarrera gogor salatu dute, indemnizazio "irrigarriak" eskaini dizkietelako eta etxebizitza bat modu duinean edukitzeko aukerarik ez dietelako eman, alokairu sozialetik harago.

 

 


Kanal honetatik interesatuko zaizu: Ondare arkitektonikoa
Mizerinok eztabaida piztu du

Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]


2023-12-31 | Ula Iruretagoiena
Lurraldea eta arkitektura
Baserriak

Berriki Donostiako Arkitektura Eskolan agerkunde arkitektoniko bat izan dugu. Tesi doktoral baten markoan eta Ibon Telleria arkitektoaren eskutik, euskal baserriaren inguruko ezagutzaren aldaera bat azaldu da. Ekarpenak dio, lagar ereduaren baserrien hasierako eraikuntza 1450... [+]


2023-05-07 | Ula Iruretagoiena
Lurraldea eta arkitektura
Hondarribiko baserria

Baserri ingurunea dramen gertakari izan da berrietan, eskopeta eta hondeatzailea bitartekari. Notizietako baten arabera, Moskenea zuen izena, eta akabatua izan da. Bere haragia harri eta egurrezkoa bazen ere, bere desagerpenak inpaktua sortu eta tristura ekarri du. Hondarribiko... [+]


Serorak
Herri ondarearen zaindariak, elizako agintarien jomugan

Herrietako elizen zaintzaz arduratzen ziren emakumeak ziren serorak eta Euskal Herri osoan ezagunak izan ziren, Erdi Arotik XX. mendera arte. Baina bete zuten funtzioa ez zen berdina izan lurralde guztietan, ezta garai guztietan ere. Emakume haiek publikoki nabarmentzen ziren... [+]


400 urteko baserria bota dute Hondarribian, txalet bat egiteko

Hondarribiko Zimizarga auzoan zegoen Moxkanea izeneko baserria bota dute egunotan hondeamakinek. Baserriaren lehen aipamenak  1663. urtekoak dira eta garai hartan Bidasoa bailaran eta Lapurdin hedatu zen tipologia arkitektonikoa mantentzen zuen. Udalak gertatutakoa... [+]


Eguneraketa berriak daude