Dekalogo hau Madrilgo Mujeres Libres proiektu anarkofeministak sortu du, eta Pikara Magazine aldizkarian argitaratu dute. Ustezko gune askeetan ematen diren eraso sexisten salaketen aurrean sortzen diren jarrera matxistak azaltzen ditu testuak. Itzulpena egin dugu ARGIAn.
1- Eraso sexistaren salaketa zalantzan jartzea bere denborari, formari eta edukiari dagokionez. Garrantzi handiagoa ematea salaketarako erabilitako bitartekoei, denborari edo ausardiari, salatutakoari berari baino.
2- Salaketa egia izateko aukera ukatzea parte hartzen dugun antolakundean matxismoa existitzen ez dela argudiatuz. “Salatutako gizona denok ezagutzen dugu, kide ona da, beraz, gai pertsonala da hau, kolektiboki landu behar ez dena”.
3- Emakumea zalantzan jartzea eta “biktima errugabe onaren manuala” betetzeko exigitzea. Batez ere errugabe izan beharko du emakumeak, biktima izatera iristeko.
“Berak onartu du egoera, ongi aukeratzen ez dakielako”
“Benetan egia balitz, ez litzateke kontatzera ausartuko, alde egingo zuen”
4- Emakumearen gaitasun mental eta psikologikoa ezbaian jartzea, indarkeria sexistaren biktima izaten uzteagatik eta kontatzera ez ausartzeagatik.
5- Emakumeari helburu maltzurrak leporatzea, salaketarekin etekin politiko edo pertsonalak atera nahi izatea, adibidez.
6- Salaketa kolektiboaren aurkako eraso moduan interpretatzea, urte askotako militantzia duten aktibistak suminduz. “Salaketa egin duen emakumeak denak zikindu ditu sekretua azaleratuz”.
7- Froga faltan oinarrituz erasotzailea babestea, agerian utziz intimitatean eta lekukorik gabe botere harremanen ondorioz ematen diren erasoen inguruko ezjakintasuna.
8- Salaketaz eta salatzaileaz barre egitea jarrera paternalistatik, garrantzi txikiagoko gai bezala azalduz: edozein erlaziotan ohikoa den emakumearen kasketa horietako bat, infantil samarra izateagatik eta egoerari bakarrik aurre egiten ez jakiteagatik egin duena.
9- Erasotzailea barkatzea desoreka sufritzen duen gaixotzat joz. Salaketa jartzen duen emakumearen kasuan desoreka errua botatzeko erabiltzen da, eta erasotzailearen kasuan, berriz, errugabetasun egoeran uzten duen salbuesle gisa jokatzen du gaixotasunak.
10- Emakumearen izaera eta iraganeko erlazioak berrikustea, erasotzailea bera dela leporatzeko.
Opariak erosteaz batik bat emakumeak arduratzen direla diote azterketek. Durangoko Azokan murgilduta eta Gabonak gertu, gai aproposa dirudi inkestek erakusten duten errealitateaz, gizonek jartzen dituzten aitzakiez eta emakumeek duten "zama mental ikusezina"... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Jostailuen interneteko iragarkiek genero rol eta estereotipo gehiago erreproduzitzen dituzte, telebistako iragarkiek baino. Hori da Kataluniako Ikus-entzunezkoen Kontseiluak egin duen txostenaren ondorioetako bat. Hamar estereotipo errepikatuenak zerrendatu dituzte, horien... [+]
Naiara Vink EHUko ikerlariaren doktoretza tesiak agerian utzi du Espainiako Estatuko emakumezko berriemaile eta aurkezleek bizi duten presio estetiko sexista. Zein da egoera Euskal Telebistan eta nola irauli daiteke? Sei euskal kazetariri bota diegu galdera.