Eraso sexista berri bat salatu dute Bilboko Aste Nagusiaren baitan

  • Udaltzaingoa gizon baten bila dabil, abuztuaren 25eko goizean emakume bati erasotzeagatik. Erasoa goizeko 10:00ak aldera gertatu zen Zazpi Kaleen inguruan. Gizon batek emakume bat eraso zuen lizunkeriaz hitz eginda, eta emakumeak egindako eskaerei entzungor eginez; borondatez aurkako ukitzeak egin zizkion.

Uriola.eus @uriolaeus
2016ko abuztuaren 26a
Hiru eraso salatu dituzte Bilbon. Argazkian, horietako baten ondoren egindako elkarretaratzea. Argazkia: uriola.eus.

Jarraian, emakumeak erasoa salatu zuen ingurunean zebiltzan udaltzainen aurrean. Hauek Udaltzaingoaren Miribillako Komisaldegi Nagusira eraman zuten salaketa formalizatzeko. 

Udalak eraso sexista berri hau salatu du eta eraso sexisten aurka deitzen diren protesta guztiekin bat egingo duela iragarri du, baita Aste Nagusian eta hirian lekurik ez duten gizabidearen aurkako portaeren aurka antolatzen direnekin ere, guztiekiko errespetuan eta askatasunean oinarritutako berdintasunezko jaiak aldarrikatzeko asmoz.

Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Indarkeria matxista  |  Bilboko Aste Nagusia

Indarkeria matxista kanaletik interesatuko zaizu...
2017-11-19 | Dabi Piedra
"Kontrasalaketekin, erasotzailea eta biktima maila berean jartzen dira"

Indarkeria matxistagatik salatutako gizonezkoek biktimaren aurkako kontrasalaketa jartzea gero eta ohikoagoa dela nabaritu dute genero indarkeriaren aurka lanean ari direnek. Juana Balmaseda Ripero abokatuaren esanetan, emakumearen salaketari sinesgarritasuna kentzeko estrategia da. Elkar salatu badute, maiz etxe barruko liskartzat jotzen da gertatutakoa, indarkeria matxistatzat hartu ordez. Genero indarkeriari eta sexu erasoei aurre egiteko Emakundek koordinatutako lantaldean, abokatuen... [+]


Bortxatuak izango direnentzat bost ohar

Bortxatzen bazaituzte, 1) egiozu aurre erasotzaileari, baita bost gizonkote badira ere; shock egoeran, isilik eta geldi, begiak itxita jasaten baduzu bortxaketa, sexu-erasoa onartu ote zenuen planteatuko dute epaiketan eta iritzi publikoan.


2017-11-14 | Miren Osa Galdona
Sanferminetako bortxaketaren epaiketa: eztabaida Twitterren Espainiako hedabideen ikuspegiagatik

Astelehenean hasi da iazko Sanferminetako talde bortxaketari buruzko epaiketa. Ateak itxita egingo da, eta hedabideek ezingo dute epaiketa gelara sartu. Hala ere, indarkeria matxistaren inguruan sortzen den “show telebisiboa” dela medio, Iruñeko epaitegia hedabidez josita dago.


2017-11-09 | Arabako Alea
Ezkutuko indarkeria matxisten aurkako kanpaina abiarazi du Arabako Aldundiak

Mehatxuak, umiliazioak eta emakumeak azpibaloratzea bezalako erasoak normalizatuta daudela hauteman du bortizkeria matxistaren diagnostikoak.


2017-11-06 | Aiaraldea.eus
Adi Emakumeak eta Matxintxuren sarea prest indarkeria matxistaren aurka ekiteko

Arabako Aiaraldeako elkarte horietako emakumeek boluntarioki hartuko dute parte Tartekari Sarean, tratu txarrak jasotzen dituztenei babesa, informazioa, orientazioa eta laguntza eskainiaz.


2017-10-31 | Jon Torner Zabala
Gorputzen neurriak ez, feminizidioarenak eman dituzte Miss Peruko hautagaiek

"Nire neurriak dira: 2.202 feminizidio kasu azken bederatzi urteetan nire herrialdean" esan du, mikrofono aurrean, pasarelan zeuden 23 emakumeetako batek.


Genero indarkeriagatik sei salaketa jarri dira egunero Nafarroan aurten

Urtarriletik ekainera jarri diren salaketak iazkoak baino %44 gehiago izan dira: guztira, 1.011 salaketa.  


Lantokiko sexu gehiegikeriei aurre egiteko, protokoloa

Harvey Weinstein produktoreak emakume aktoreen aurka urte luzez eta industriaren konplizitateaz egindako sexu jazarpen eta gehiegikeriak azaleratu ostean, bere produktoratik eta Hollywoodeko Akademiatik kanporatu dute. Gurean ere badira botere-harremana baliaturik lan munduan sexu-erasoak egiten dituztenak, ez ordea halakoak atzeman eta neurriak hartzeko protokoloa duten enpresa askorik.


2017-10-10 | Uriola.eus
Urteetan sinesgarritasunik eman ez zaion biolentzia matxistaren askotariko aldaerei aitortza

Foro Sozial Iraunkorreko genero lan taldeak Emakumeen egia aitortu. Nik sinesten dizut izenarekin ekimen politikoa antolatu du Solokoetxen, "urteetan sinesgarritasunik eman ez zaion biolentzia matxistaren askotariko aldaerei, emakumeen arteko konplizitatez, aitortza egiteko". 


2017-10-04 | Miren Osa Galdona
Zazpi emakume hil dituzte jada aurten indarkeria matxistagatik: emakume gasteiztar bat azken biktima

Auto baten barruan agertu da 44 urteko emakume gasteiztarraren hilotza, Miranda de Ebron, Burgosen. Arma zuriz eginiko indarkeria zantzuak zituen. Ikertzaileek indarkeria matxistarekin lotu dute hilketa, izan ere, emakumea senarrarengandik banatzen ari zen. Urriaren 3ko arratsaldean atxilotu dute gizona, Gasteizko Mercedes lantegian.


Eguneraketa berriak daude