Bilboko Arangoiti auzoko etxebizitza batean gertatu zen erasoa, asteazken goizean, Kiskitinak talde feministak jakinarazi duenez. “Badakigu kasu hau ez dela bakarra, sistema heteropatriarkalak behartzen baititu emakumeak erasotzailearekin bizitzera”, adierazi dute publiko egin duten komunikatuan.

Erasoa pairatu duen emakumeari babesa eta elkartasuna erakutsi dio talde feministak, eta ez dagoela bakarrik adierazi.

Antolakuntza, borroka eta autodefentsa feminista aldarrikatuz, eta protesta salatu asmoz, ostegun iluntzean eltze jotzera deitu dituzte auzotarrak. 20:30ean leiho eta balkoietatik zarata egitea dute asmo, inguruan “argi eta ozen” entzun dezaten auzoan ez dutela nahi eraso matxista eta sexistarik.