Erandioko Kalezulo gaztetxea desalojo aginduaren zain dago

  • Gaztetxeko kide batek Info7 Irratiari azaldu dionez, desalojo aginduaren zain daude, noiz izango den ez baitakite.

ARGIA @argia
2018ko urtarrilaren 10a

Duela sei urte okupatu zuten Erandioko gazteek Kalezulo eta, gaztetxeko kidearen esanetan, eraikinaren orduko jabeak ez zeukan arazorik gazteak han egotearekin. Baina nagusi horrek zeuzkan zorren ondorioz, edifizioa Eusko Jaurlaritzaren esku geratu zen, hartzekodunen lehiaketa bidez eraikina saldu eta zorra gutxitzeko.

Gainera, gaztetxeko kideak salatu du Erandioko Udalak “itzelezko presioa” egin duela proiektu autogestionatua eraikinetik kanporatzeko. “Azken finean gustatzen ez zaion zerbait da gaztedi kritiko eta politizatu bat izatea. Gaztetxearen kontra joan dira behin eta berriro. Guk errudun bezala, gehien bat, Udala ikusten dugu”, azaldu du.

“Gaztetxea desalojatzeko modua bide penala izan da”, esplikatu du gaztetxeko kideak. Pertsona zehatz batzuk salatu dituztela azaldu du eta duela bi urte, adibidez, bi lagun epaitu zituztela eraikina okupatu izana leporatuta –biak absolbitu zituzten frogarik ez zegoelako–.

Tailerrak, formakuntzak, eskalada egiteko rokodromoa, jaialdiak… denetik antolatu izan da Kalezulon azken urteetan. Horrek Erandioko bizilagun asko erakarri dituela esplikatu dio Info 7ri bertako kideak eta azpimarratu du mota askotako jendeak erabili duela espazioa. “Batzuetan gaztetxeetan pentsatzean gure imaginarioa fokalizatzen dugu jende mota batean, baina nik uste Erandioko gaztetxea oso-oso anitza izan dela”.

Hemendik aurrera zer gertatuko den galdetuta, gaztetxeko kideak esplikatu du “honek jarraituko duela”: oraindik urrun ikusten dute beste okupazio bat egiteko unea, momentuz Kalezulo hustearen aurrean herritarrek nola erantzuten duten ikusi nahi dutelako.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gaztetxeak  |  Erandio

Gaztetxeak kanaletik interesatuko zaizu...
Euskal Herriko zinema aretorik txikiena irekiko du Bergarako Gaztetxeak

"Euskal Herriko zinema aretorik txikienaren" aurrestreinaldia uztailaren 20an egingo du Dynamo zineklubak Eyharts taldearen ikuskizun batekin; Novedades aretoko 18 aulki, oihal originala eta beste zenbait apaindura ditu, zinema areto baten kutsua emateko.


2018-06-08 | Topatu.eus
Bilboko Irala auzoko Itsaspe Gaztetxea desalojatu du Udaltzaingoak

Orain dela bi aste inguru okupatu zuten hutsik zegoen eraikin bat Bilboko Irala auzoko gazte asanbladako kideek. Ostegun goizean, ordea, Udaltzaingoa lokalaren jabearekin agertu eta desalojatu egin dituztela jakinarazi dute gazteek.


2018-06-01 | Hala Bedi
Entzun 'OkupaTUGasteiz' abestia, Ekaitz Samaniegoren letrarekin

Abestiaren basea Dj Lorok egin du eta ahotsetan Arabako zenbait musikarik parte hartu dute, Ekaitz Samaniego gasteizko preso politikoaren letrekin. Bestalde, urriaren 6ko egun handirako beroketa-lanak egiteko, jaialdia egingo dute ekainaren 10ean Gaztetxean, DJ lokalekin lagunduta.


Hedabideen manipulazioa: adibide bat

Pasa den maiatzaren 9an Diario de Navarra egunkarian Iruñeko gaztetxeetako batek, Errotxapea auzokoak, orrialde oso bat hartu zuen: “Vómitos, ruidos y hurtos, el colmo vecinal por el gaztetxe”.

 Artikulua irakurtzen hasi eta auzokideak ez dira antolatu, ez da inolako prentsaurreko edo adierazpenik egon, ez istilurik. Berri hau argitaratzeko ez dago motibazio agerikorik. Kazetaria auzora hurbildu eta galdera batzuk egin ditu.       ... [+]


2018-05-17 | Miren Osa Galdona
Sestaoko kulturguneak salatu du gune autogestionatuak ez duela lekurik Udalaren plan estrategiko berrian

Sestaoko Udalak plan estrategiko berria du esku artean datozen urteetarako. Herritarrekin eginiko lehen bilera irekian Sestaoko Txirbilenea kulturguneko  kideek gune autogestionatua kinka larrian egon daitekeela salatu dute. Udalaren ustez, hainbat kolektibok erabiltzen dituzten espazioak “ahultasun” guneak izan daitezkeelako. Kultuguneko kideak interpelatuta sentitu dira Udalak esandakoarekin eta “eurena dena” aldarrikatu dutela nabarmendu dute. Parte-hartze... [+]


"Gasteizko Gaztetxeak 30 urte" liburua
Borroka baten transmisioa, borroka berriak elikatzea xede

Maiatzaren 12an aurkeztu zuten Gasteizko Gaztetxearen 30 urteko bizitza jasotzen duen liburua, Gaztetxean bertan. Hemen duzue kronika.


2018-05-16 | Topatu.eus
Iru˝eko Maravillas gaztetxea arriskuan dagoela jakinarazi dute

Orain dela zortzi hilabete pasatxo sartu ziren Iruñeko Alde Zaharreko eraikin batean auzoko zenbait kide, gune autogestionatu bat sortzeko asmoz. Hala ere, Gero Bai-ren jarrera salatu dute, lehenengo minututik bide errepresiboaren aldeko hautua egin duela gaineratuz. 


Maravillas Gaztetxeak negoziatzera eser dadin eskatu dio Nafarroako Gobernuari

Gaztetxeko bost kideri salaketa jarri dietela salatu dute prentsa ohar batean. Irailaren 3tik  Nabarreria Plazako Marques de Rozalejo jauregian 500 ekitalditik gora egin dira.


Anakrusa 03: Kaskezur
MULTIMEDIA - Blai, gazteon telebista

Kaskezur taldeak eskaini du kontzertua Intxaurrondoko Letaman gaztetxean Anakrusaren hirugarren saioan. Musikaz eta militantziaz eztabaidatu dugu EHZko Ion Irazabalen eta Olatz Salvador musikariaren laguntzaz.


2018-05-11 | Arabako Alea
Gasteizko Gaztetxeko 30 urteko bidaia liburu bilakatu dute

Gaztetxean aritutako belaunaldi zahar eta berrien ekarpenak jaso dituzte kontakizun, marrazki eta argazkiez osatutako liburuan.

 


Azkenak
EGILEA
Eguneraketa berriak daude