Laguntzarik gabe orain arteko gastuen plana mantentzea ezinezkoa dela azaldu dute bankuko arduradunek.
Arabako Elikagaien Bankuak Batzar Orokorra egin zuen asteartean, eta bertan arduradunek salatu zutenez, "erakunde publikoek ez dute behar beste laguntza eskaintzen".
Egoera horren aurrean, orain arteko gastuen plana mantentzea ezinezkoa du Elikagaien Bankuak, eta beraz, "aurtengo aurreikuspenak ez dira oso baikorrak izango", onartu dute arduradunek.
"Erakunde publikoek ez dute konpromisoa hartzen gure aurrekontua betetzeko behar dugun diru kopurua emateko. Hori dela eta, norbanakoen edo erakunde zein enpresa pribatuen laguntza jaso ezean, ezin izango diegu gure gastuei aurre egin", salatu du.
Arazoari konponbidea eman nahian, bere mezua zabaltzeko laguntza eskatu die Elikagaien Bankuak arabarrei, besteak beste, sare sozialen bitartez.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]