Epailearen ebazpena "oso positiboa" dela esan du Oier Gomezen abokatuak

  • Epaileak Oier Gomezen kondena eteteko eman duen agindua positiboki hartu dute Sarek, Oiertxo SOS Plataformak eta EH Bilduk, baina gogorarazi dute hau “lehen pausoa” baino ez dela eta preso gasteiztarra oraindik preso dagoela. Azken erabakia asteazkenean emango dute auzitegiek, Gomezen aurkako hiru euroaginduak aztertuko baitituzte.

Oier Gomezen askatasunaren alde hainbat elkarretaratze egin dituzte asteburuan (Arg.: Sare)

2017ko apirilaren 25an - 11:48

Maritxu Paulus Basurco abokatuak baieztatu du epaileak Oier Gomezen zigorra eteteko eskaerari baiezkoa eman diola. Gogorarazi du ez dela behin betiko erabakia baina epailearen ebazpena “oso positibotzat” jo du asteazkeneko hitzorduari begira.

Sarek “oso begi onez” hartu du albistea, baina berandu heldu dela azpimarratu du eta Gomezen aurkako euroaginduak bertan behera uzteko eskatu du. Euskal jendarteari mobilizatzeko eta aktibatzeko deia egin dio.

Plataforma sortu zutenean finkatu zituzten helburuak bete dituztela esan du Oiertxo SOS Plataformak eta ziurtatu du gakoak gizartearen mobilizazioa, konpromisoa eta elkartasuna izan direla. Hala ere, preso gaixoaren baldintzarik gabeko askatasuna exijitu du, baita euskal preso politikoei ezartzen zaizkien salbuespenezko neurriak bertan behera uztea ere.

Epailearen erabakiarekin pozik agertu da EH Bildu ere eta independentziaz joka dadin eskatu dio Frantziako justiziari, Espainiako Gobernuaren “mendeku politika” jarraitu gabe.

Asteazkenean Oier Etxea gunea prestatuko du plataformak, Gasteizko Urrezko Zeledoien plazan. Bertan elkarretaratze iraunkorra egingo dute, goizeko hamabietatik arratsaldeko zortziak arte, eta euroaginduen ebazpenaren jarraipena egingo dute. Maiatzaren 6an preso gaixoen askatasunaren aldeko manifestazioa egingo dute Gasteizen, Sarek deituta.


Kanal honetatik interesatuko zaizu: Gaixo larriak
2021-12-20 | ARGIA
Antton Troitiñoren heriotza “azkena” izan dadila eskatu dute Sarek eta Etxeratek

Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]


2021-02-05 | ARGIA
Kalean da Antton Troitiño, baldintzapean aske

Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.


Julen Atxurra presoak buruko isuria izan du eta kartzelako erizaindegira eraman dute

61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.


Espetxe politikaren legea betearazteko eskatu dute 38 eurodiputatuk

Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.


"Itxaropena" lagun, Bilboko eta Baionako manifestazioetara joateko deia luzatu die Sarek herritarrei

Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"


Eguneraketa berriak daude