Neumünster hiriko epaileak astelehen arratsaldean erabaki zuen Carles Puigdemont espetxean atxikitzea. Orain kasua  Schleswing-Holstein erkidego autonomoko Goi Auzitegiak erabaki beharko du Puigdemont estraditatu ala ez. Bitartean, Katalunian protesta handiak egiten ari dira, batez ere errepide mozketekin. Apirilaren 15erako, halaber, manifestazio handi bat deitu da Bartzelonan, oinarrizko eskubide demokratikoen eta Kataluniaren herri eskubideen alde.