Epaileak huste agindua igorri du Tosuren aurka, "erresistentzia oporrak" deitu dituzte
Desalojo aginduaren aurrean “erresistentzia oporrak” antolatu dituzte. Eusko Jaurlaritzak eta Garraio Partzuergoa epaileari presio egiten ibili direla salatu dute.
Astelehenen epaileak huste agindua igorri zuen Tosuren aurka. Bertako kideek salatu dute PNVren Eusko Jaurlaritzak eta Garraio Partzuergoak, epailea presionatzen ibili eta gero, abuztuan Tosun sartzeko agindua lortu dutela.
Ilusioz, indarrez eta elkar-laguntzaz hustutzeari aurre egingo diotela jakinarazi dute. “Bidea ez da desalojoan amaituko, horrek beste borroka-egoera batzuk sortuko baititu obrak bertan behera uzten dituzten arte. Andra Mariko auzokide batek Bertolt Brechten olerkia gogora ekarri du, “zalantzen artean ederrena ahulek eta etsituek euren burua altxatu eta zapaltzaileen indarrean sinesteari uztea.”
Horregatik, abuztuaren 9tik aurrera Tosun antolatu dituzten erresistentzia oporretara hurbiltzeko deialdia luzatu dute. Dauzkagun oporrak eta erresistentzia uztartzeko egitaraua prestatu dute.
Albiste hau Topatu.eus-ek argitaratu du eta ARGIAra ekarri dugu CC by-sa lizentzia baliatuta
Plaza bakarra okupatuta, aparkalekuak dituen 304etatik. Horrela deskribatu du GuNe kolektiboak Getxoko Andra Mari auzoko Tosu landa eremuan eraiki duten Ibarbengoako metro-geltokiaren ondoko aparkalekuaren egoera, "irailaren 2an, lanorduetan". Idatzi ironiko batean,... [+]
Getxoko Tosu landa defendatzeko urteetako borrokari behin betiko amaiera emateko, egindakoak gogoratzeko eta horretan parte hartu zutenei "eskerrak" emateko jaia egingo dute zapatuan.
Zortzi urtetako borroka omentzeko ekitaldia antolatu zuten igandean Algortako Portu Zaharrean. 2011an okupatu zuten lehen aldiz Tosuko landa. Geroztik, ibilbide luzea egin dute ekologistek.
Tosu Betirako Asanbladak irailaren 10etik 22ra egingo den "Tosutik Uribe Kostara" ekimena iragarri du. "Herrien etorkizuna gutxi batzuek, herritarren iritzia kontuan hartu gabe" planifikatzen dutela salatu gura dute. Erandio eta Gorliz arteko martxa eginez... [+]