Ensanche 21eko Alde Zaharreko hiru eraikin okupatu dituzte Gasteizen

  • Eraikinek sei urte hutsik daramatzatela eta Ensanche 21 elkarte publikoaren azken urteotako hirigintza plana salatu dituzte etxebizitzak okupatu dituzten lagunek.

Hala Bedi @halabedi
2017ko maiatzaren 02a
(Argazkia: Hala Bedi irratia).

Hala Bedi irratiak jaso duen ohar baten bidez auzokide berriek azaldu dutenez, badira sei urte udalak Gasteizko Alde Zaharreko hiru etxebizitza bloke berritzeko proiektua amaitu zuenetik. Ensanche 21en hirigintza planaren barruan, gazteei bideratutako hamabi etxe aurreikusten ziren eraikin hauetan -400 hiri osoan-, "gaur arte erabili gabe egon direnak". Udal talde ezberdinen "utzikeria eta gazteonganako arduragabekeria" salatu dute auzokide berriek Hala Bedi irratira bidalitako oharrean, eta gazteei zuzenduak ziren etxebizitzak hutsik ikusi ostean, okupazioaren bitartez "gure kabuz gureak egiteko" hautua egin dute.

Erakundeen eta Ensanche 21en "gentrifikazio politikak" salatu dituzte gazteek. Haien ustez, Gasteizko mapa urbanistikoan "zatiketa soziala" areagotuz eta Alde Zaharra "eskaparate bilakatuz", bertako auzokideak alde egitera bultzatzen dituen etxebizitza arazoaren arduradun zuzenak dira. Aldi berean, "sei urteko blokeoa eta zorra oraindik azaldu ez dituen" Ensanche 21 elkarte publikoak "etxebizitzak 2.290 euro/m2-ko prezioan" saldu nahi dituela salatu du ustelkeriaren kontrako ADI! elkarteak. Gainera, elkarteak azaldu duenez, Ensanche 21ek 111,5 milioi euro zituen kutxan Marotok hartu zuenean alkatetza; legealdia bukatuta, 20 milioi euroko zorra.

Oharraren arabera, apirilaren 25ean, udaltzaingoa Pintore kaleko 20. zenbakira joan zen, "bortizkeriaz eta legez kanpoko" identifikazioak lortu nahian eta bizilagunen "ondasun materialak apurtuz eta lapurtuz". Salatu dutenez, "kasualitatez", okupazioa eman eta egun gutxitara etorri dira "sei urtez blokeaturik" izandako gai honen inguruko lehenengo berriak: hasieran, poliziaren bisita, eta horrekin batera, etxebizitzak zozketatuko dituztela dioten albisteak, hedabide ezberdinen arabera.

Errekaleor Bizirik auzoan edota hiriko beste lekuetan loratzen ari den okupazio uholdearen urrats berri bat iritsi da Gasteizko Alde Zaharrera. Oharrean salatutako guztiaren aurrean "okupazioa tresna eraginkorrena" dela azpimarratu dute, baliabide ekonomiko nahikorik ez duten gazteen etxebizitza eskubidea bermatzeko eta bizitza eredu berri bateruntz bidea egiteko.

Albiste hau Hala Bedik argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Okupazioa  |  Gasteiz  |  Hirigintza

Okupazioa kanaletik interesatuko zaizu...
Garaipen historikoa

Borroka luzea da Bretainiako Notre Dame des Landes-eko aireportuaren aurkakoa. Ia 50 urtez aritu dira ingurune naturalaren suntsipena eta han bizi diren herritar eta nekazarien kanporatzea eragingo zituen proiektuaren kontra.


2018-02-20 | Axier Lopez
Aman Komunak
"Ez gara jabetzen herri mugimenduak Euskal Herrian duen indarraz"

Ibiltzen hasi berria da, baina esperientzia eta bizipen asko biltzen du Aman Komunak sareak, herri mugimenduko hainbat taldek eta kidek osatzen dutelako. Joan-etorriko izaera izan nahi du: bakoitzaren kolektibotik sare orokor bat aberastu, sareak tokian tokiko eguneroko lana bizitu dezan. Sorreratik ari dira parte hartzen Maddi Sarasua Errekaleorren bizi den itsasuarra eta Urruñako Hartzea Lopez.


2018-02-16 | Hala Bedi
Iberdrolak argia moztu die Gasteizko Alde Zaharrean okupatutako bi eraikini

Ostegunean, goizeko 09:00ak aldera, Iberdrola Alde Zaharreko bloke okupatuetan agertu da, Udaltzaingoaren laguntzarekin. 2017ko martxoan okupatu zituzten Udalak gazteei bideratutako blokeak -okupatu aurretik, sei urte zeramatzaten hutsik-.


2018-02-09 | Anboto
Sapuetxe kultur espazioa botatzeko hitzarmena sinatu dute Durangoko Udalak eta URA agentziak

Eraikin okupatua botako dute, eta Montevideoko erreka gaineko zubia ere berrituko dute obrekin. Instituzio bakoitzak 425.000 euro ipiniko ditu 2018 eta 2019 urteen artean.


Gasteizko Gaztetxea, probatu ez duenak ez daki zer den hau!
MULTIMEDIA - dokumentala

1988ko apririlaren 28an eman zioten zartakoa gero Gasteizko gaztetxea izango zenaren ateari. Mende laurdena baino gehiago igaro da eta urte horietako historia jaso dute dokumental honetan.


2018-01-25 | Hiruka .eus
Hiru lagunek deklaratu beharko dute ostiralean Tosuko obrak gelditzen saiatzeagatik

Urtarrilaren 26an, barikua, hiru lagunek deklaratu beharko dute Getxoko epaitegian, Ibarbengoako parkinga eraikitzeko obrak oztopatzeko "indarkeria" delitua egotzita.


2018-01-25 | Hala Bedi
Izarrako Gaztaetxea, husteko zorian

Lehen urteurrenaren bueltan, astebururako aurreikusitako ekintzak tokiz aldatzea erabaki dute.


2018-01-24 | Hala Bedi
Squats in the Basque Country
The Gaztetxe of Gasteiz, a project cooked over a slow flame

On 28th of April, it will be 30 years since the first kick: the kick to the door of the bishop’s medieval garage that nobody imagined would start such a long journey. Meetings, symbolic occupations, speeches, interventions in council meeting  were the actions that carved out a path for the Gaztetxe and for squatting Gasteiz.


2018-01-23
Bilboko Zazpi Katu gaztetxeak 11 urte
"Hamaika urte eta hau ez da amaitu"

Zazpi Katu Gaztetxearen 11. urteurrenaren ospatukizunak hasi dira. Aste honetan, Alde Zaharreko Gaztetxean, kontzertuak, bertso-saioak, jolasak eta antzerkiak antolatu dituzte.


2018-01-19 | Hala Bedi
Gasteizko Gaztetxeak 30 urte ospatuko ditu aurten

Urtarriletik uztailera bitartean, herri mugimenduko eragileen parte hartzearekin, askotariko borrokak landuko dituzte eta urriaren 6an OkupaTU Gasteiz egunean parte hartzeko deia egin dute.


Azkenak
EGILEA
Eguneraketa berriak daude