Macron-en hurrengo round-a gobernu berriaren soken artean

  • Frantziako hauteskunde legegileak eginen dira ekainean, 11n eta 18an. 557 diputatu hautatuko dira, senatariak bestalde. Emmanuel Macron presidentearen eta lehen ministro Edouard Philipperen gobernua osatuta dago. Nola eragingo du Legebiltzar Nazionalak Gobernuaren politikan?

Mikel Asurmendi @masurmendi
2017ko maiatzaren 19a

1- Gobernua parekidea da, 11 emakume eta 11 gizon, garrantzizko ministerioak gizonen esku dira ordea. Edouard Philippe-ren inguruan Barne ministro Gerard Collomb (PS), Justizia ministro François Bayrou (MoDem), Ekonomia ministro Bruno Le Maire (LR) daude. Bayrou eta Collomb gainera Estatu ministroak dira, Nicolas Hulot-ekin batera (Ekologista). Inork gutxi daki zertan datzan estatu ministroen betebeharra. Denak gizonak dira. Seiak dira boterearen muina. 

2- LR, PS, MoDem eta Ekologisten ildoko kideak sartu ditu gobernuan Macronek. Promestutako rassemblement edo kontzentrazioaren politika gauzatzeko bidea urratzen ari da. LR eta PS alderdiak higatzea lortu du hein batean. FN ez, bistan da, ezta Jean-Luc Mélenchonen Frantzia intsumisioa limurtu ere.

3- Macronek LRko bi kide ditu gobernuan, eta Edouard Philippe lehen ministroak jo zion orain arteko bere alderdiari lehen kolpea. Boxeolaria da, “kirol” horixe praktikatzen du. Askoren ustez, eskuindarra da, alta bada, politikan PSn hasi zen, gero Alain Jupperen eskutik –RPR edo UMP eskuindar espresioen bidean– La Havreko auzapeza izatera iritsi zen. Azkenik, sozio-liberala agertu da. Ministro izatera iristeko “lagundu dioten LRko kidek” ego handiko gizona dela diote. Kameleoia. Botere gose betiere.   

4- LR mugimenduak eutsi dio Macronen lehen “erasoaldiari”. Lehen round handia ekaineko bi itzulian jokatu dute. LRko hogei diputatuk begi onez ikusi dute Philippen izendapena. Bordeleko auzapeza Juppe da LR berezko indarraz eta nortasunaz mantendu dezakeena. Juppe eta Philippe ildo berekoak dira LRn. Oraingoz, ez da LRko inor Macronen zerrendetan. Jupperekin batera, LRko buru esanguratsu François Baroin-ek dioenez, Macronek LRko hainbat kide bahitu ditu, baina ez du “gerra” irabaziko.     

5- PSko kideak ere ba dira Gobernuan. Lyongo auzapez eta barne ministro Gerard Collomb ez da edonor. Macronek K.O. utzi du Alderdi Sozialista. Hollandek eta Vallsek “lagundu” diote bistan da. Benoît Hamon da PSko ikur bakarra. Argia ematera deitua, baina itzalpean geratu dena. PSko 24 diputatu daude Errepublika Martxan-eko zerrendetan. Honek 428 diputatugai izenak aurkeztu ditu. Gehiengoa lortuko al du?

6- Jean-Luc Mélenchonen Frantzia Intsumisoa da Errepublika Martxan-en arerio nagusia. Mélenchonek gainera ez omen du nahi bere hautagaiak engainatu. Alderdi Komunistarekin (PC) zuen aliantza bertan behera utzi du. “Presidentzialetarako gure programa ukitu gabe mantenduko dugu, ez dugu boza eman digun inor traizionatuko”. PCk Mélenchonen programako funtsezko hainbat gai “leundu edo apalarazi” nahi izan ditu hauteskunde legegileetara begira.

7- Marine Le Penen Fronte Nazionala  “desagertuta” dago. Lehen roundan ez zen K.O. geratu, baina puntutan galdu zuen. Bozen sistemak ez du laguntzen FN, eta datozen bi itzulitan, diputaturen bat lortzeko aukera “zapuztuko” diote gainerako hautagaitzek. Bereziki LR alderdiak.

8- Ezker aldeko alderdi eta hautagaientzat Macronen gobernua eskuindarra da. Beren ustez, Frantziak behar duen erreforma egiteko –Europa, Jihadismoa eta seguritatea, sei milioi langabe, zergen erreforma, hezkuntza sistema…–  ez da kontzentrazio gobernua nahikoa, ez egokia. LRk gobernu hau ez dela eskuinekoa dio, euren baloreak desitxuratzera helburu dituen alderdia da.

9- Frantziako Zentroa da kontzentrazio gobernuan hobekien paratuta dagoena. François Bayrou Justizia ministroa izateaz gain, MoDem alderdiak 40 politikari kokatu ditu Errepublika Martxaneko zerrendetan. Euskaldunoi dagokigunez, euskal gatazkaren soluziobidean, Justizia sailak berebiziko munta du. Egiari zor, Bayrou biarnesak “makila eta azenarioa”-ren politika erabili zuen Hezkuntza ministroa izan zenean. Kari honetara, Jean Lasalle diputatu biarnesak eta Bayrouren “mutila”k luzatu duen chocheta iraingarria, mingarria eta susmagarria izan da. Alegia, erran badu handia erran du: “Ikastoletan armak erabiltzen irakasten da”. Oso adierazgarria da ere, Hezkuntza ministro Jean-Michel Blanquer eta Goi Irakaskuntza ministro Frédérique Vidal iIzatea. Eremu eta gaietan zailduak, baina ageriko pisu politikorik gabeak. Justizia, Hezkuntza eta Hizkuntza sailek izanen dute zer esan eta zer eman Euskal Herrian.

10- Macronen aro berria hasi baino ez da. Hiru aste barru jakinen dugu bere gobernuak Legebiltzarreko gehiengo osoaren sustengoa izanen duenez. Bestelakoan, Kohabitazio edo Elkarbizitzako Gobernua kudeatu beharko du. Bistan da, LR eta Frantzia Intsumisoa ditu arerio gaitzenak. LRk FNaren boz asko jasoko du, lehen itzulian ez bada, bigarrenean. Gauza bera, Frantzia Intsumisoaren kasuan, PSra doazen hainbat bozek haren diputatuen alde eginen baitute halabeharrez.

11- Macronen garaipena gezurrezkoa omen da, frantziarrak sosegatu dituen politikaria da, FN-ren beldurraren babestu batetik eta bi alderdi tradizionalen hondamendiaren azpian geratzeaz libratu, bestetik. Presidentzialetan hasitako konbateak hamaika round dauzka alabaina. Macronek Gobernuan lortu duen botere kontzentrazioak ekarriko al dio Frantziako Legebiltzarraren gehiengoaren sustengoa?  

Kanal honetan artxibatua: Frantziako Gobernua

Frantziako Gobernua kanaletik interesatuko zaizu...
Presoen aldeko elkartasuna irudikatu dute 11.000 lagunek Parisen

“Bakea Euskal Herrian, orain presoak” lemapean, 11.000 lagun batu dira Parisen arratsalde honetan. Euskal Herriko xoko guztietarik hurbildu da jendea eta guztien artean bete dute 10.000 manifestari biltzeko helburua. Alderdi eta kargu ezberdinetako hautetsiak ere egon dira, presoen aldeko elkartasunak biltzen duen aniztasunaren seinale.


2017-12-07 | Andoni Mikelarena
Atxikimenduak biltzen jarraitzen du Parisko presoen aldeko martxak

Larunbatean milaka euskal herritarrek manifestazioa egingo dute Parisen, presoen eskubideen alde. Frantziako Gobernuari pausoak eman ditzala eskatu diote bost parlamentarik, Frantziako Asanblea Nazionalean.


2017-12-01 | Ahotsa.info
Abenduaren 9an: orain presoak
MULTIMEDIA - erreportajea

Abenduaren 9an Parisko kaleetan milaka euskaldun batuko dira Frantziako Gobernuari euskal presoen afera konpon dezala eskatzeko. Ekimen honen bultzatzaileak, preso ohiak eta Sare Herritarra elkarrizketatu ditu Ahotsa.info-k, eta guztiek azpimarratu dute Parisen eginen den mobilizazioaren garrantzi historikoa.


2017-10-31 | Andoni Mikelarena
Frantziako Segurtasun Lege berria, salbuespen neurriak lege arrunt bihurtzeko

Jakes Bortairuk Enbata agerkarian kaleratu duen artikuluan Frantziako Estatuko legebiltzarra lantzen ari den Barne Segurtasun legea aztertu du.


2017-09-28 | Xalba Ramirez
Iratxe Sorzabal euskal presoaren tortura salaketak ikertu arte ez du euroagindua onartuko Frantziak

Frantziako Estatuak Istanbulgo Protokoloa aplikatuko dio Iratxe Sorzabal euskal presoari, 2001ean torturatu ote zuten jakiteko. Lehen aldia da Frantziako Estatuak euskal preso baten tortura salaketak ikertzeko eskatzen duela.


2017-09-21 | Unai Brea
CETA hitzarmenaren zatirik handiena indarrean da, europar parlamentu guztiek oraindik berretsi ez badute ere

Eurolegebiltzarrak joan den otsailean eman zion onespena Kanada eta Europar Batasunaren arteko merkataritza askeko itunari (CETA). Hitzarmena mistoa denez, erabat indarrean sartzeko EBko estatu kide guztietako parlamentuek bozkatu behar dute haren alde. Hala ere, hitzarmenaren zati handiena –teorian estatuen burujabetzari eragiten ez diona– indarrean da irailaren 21etik.


2017-09-01 | Mikel Asurmendi
Macron eta Philippe lehen lerrora itzuli dira

Abian da urte politikoa Hexagonoan, la rentrée gauzatu da Frantzian. Macron presidenteak eta Philippe lehen ministroak prentsako lehen lerroak hartu dituzte berriz ere. Lan Kodearen erreforma aurkeztu dute, dekretuz, ordenantzen bidez. Hedabideak eta legea dira beren euskarri nagusiak.      


2017-06-29 | Jakes Bortairu
Monarkia errepublikanoa

Emmanuel Macron presidentearen aldeko diputatuek berarekiko leialtasun adierazpena izenpetu behar izan dute alderdiaren babesa lortzeko. Baldintza horietan Exekutiboaren aurrean kontra-botere funtzioa nekez bete lezake Asanblada Nazionalak


2017-06-22 | Mikel Asurmendi
Lurrikara ostean barealdia eta sisteman segitzeko irrika

Hiru aste dira Macron presidenteak LRko Édouard Philippe lehen ministro izendatu zuela, baita honek gobernua ere. Atzo berritu zuen berau, lau ministroren dimisioa eman ostean. Frantzia ez da horren handia, ez bere demokrazia behintzat.


2017-06-21 | Mikel Asurmendi
Lurrikara Frantzian: Bayrou, Sarnez eta Goulard ministroek Gobernua utziko dute

Richard Ferrand ministroak dimisioa aurkeztu zion Édouard Philippe lehen ministroari atzo, baita honek onartu ere. Ferrandi irregulartasunak atzeman zaizkio jardunean. Hori gutxi bailitzan, MoDemeko Bayrou, Sarnez eta Goulard ministroek gobernua utziko dute.


Azkenak
EGILEA
Eguneraketa berriak daude