Emakunde saria jasoko dute Hitzez elkarteak eta Arabako Landa Eremuko Emakumeen sareak
Datorren asteartean izango da sari banaketa Donostian eta egun horretarako hitzaldi ziklo bat antolatu du Emakundek Marcela Lagarde antropologoa eta Sara Ibarrola soziologoarekin.
Aian du egoitza Hitzez elkarteak, eta elkartean hainbat aiar daude. Apirilaren 26an Donostiako Kursaalean Emakunde Sariak banatuko dituzte, Emakumeen Ahalduntzea, Berdintasunerako Gakoak jardunaldiaren baitan. Sarietako bat Hitzez elkarteari emango diote.
Sari banaketaz gain, egun osoko egitaraua ondu dute antolatzaileek. Bi hitzaldi antolatu dituzte goizean. Marcela Lagarde antropologoa eta Sara Ibarrola soziologoa izango dira hizlariak. Mahai ingurua ere egingo dute, emakumeen ahalduntzeari buruzko esperientziak eta testigantzak partekatzeko. Hainbat elkarteetako ordezkariek hartuko dute parte, baita Hitzezekoek ere.
Saria Hitzez Emakume Baserritarren Elkarteak jasotzeaz gain, Arabako Landa Eremuko Emakumeen Sareak ere jasoko du. Iñigo Urkullu Eusko Jaurlaritzako lehendakariak emango die oroigarria. Sariekin emakume baserritarrek eta landa eremuko emakumeek duten lana aitortu nahi dute, emakumeak ezinbestekoak baitira landa eremuak bizirik izateko.
Albiste hau Karkara-k argitaratu du eta CC-by-sa lizentziari esker ekarri dugu ARGIAra
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Incel, involuntarily celibate hitzetatik hartutako terminoa da. Euren nahien kontra harreman sexualak izateko gai ez direla dioten pertsonez osatutako komunitate birtuala da. Batez ere, gizon heterosexual zuriek osatzen dute ‘azpikultura’ hau. Metropoli Forala... [+]
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]