Emakumeen presentzia txikia dago EITBko irrati-tertulia nagusietan

  • "Emakumeen ikusgaitasuna hedabideetan" blogak emakumeen parte-hartze maila neurtzen du hainbat hedabidetan. EHUko Ikus-entzunezko eta Publizitate Saileko irakasle eta ikertzaile taldearen azken neurketak azalarazi du EITBko irrati-tertulia nagusietan emakumeen presentzia oso txikia dela; txikiena neurtzen hasi zirenetik.


2017ko maiatzaren 12an - 16:34

Ikerketa taldea EITBko irrati-tertulia nagusietan emakumeen presentzia neurtzen hasi zenetik kopururik txikiena dago gaur egun. Azpimarratu dutenez, jaitsiera oso nabaria izan da Euskadi Irratiko Faktoria saioan: erdira murriztu da emakumeen kopurua apirilean (%10,4). Radio Euskadin Dani Alvarezek zuzentzen duen Boulevard saioko “Diálogos” tartea da emakumeen presentzia txikiena duen saioa (% 7,7). Aldiz, Radio Euskadi-k gauean eskaintzen duen Ganbara irratsaioko tertulia da tertuliakideen artean emakume kopuru handiena duen saioa (%26,66), emankizun honetan jaitsiera gertatu bada ere.

Ikerketa taldeak emandako datuen arabera, Radio Euskadiko Boulevard-ean bi emakume baino ez dira modu finkoan aritzen direnak: Koro Garmendia eta Lourdes Perez. Euskadi Irratian, Laura Mintegik, Nerea Azurmendik eta Maite Ubiriak parte hartu dute apirilean. Ubiria da beste tertulia batean errepikatzen duen emakume bakarra, gizonen kasuan, aldiz, tertulia batean baino gehiagotan parte hartzea oso ohikoa dela azpimarratu dute. Naiara Pinedo, Miren Ibañez, Olatz Barriuso, Chelo Aparicio eta Ana Garbati izan dira apirilean Raio Euskadiko Ganbaran parte hartu duten emakumeak.

 


Kanal honetatik interesatuko zaizu: Hedabideak
2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


2024-03-04 | ARGIA
Hekimenek konpromisoak eskatu dizkie erakunde publikoei euskarazko hedabideak garai berrietara egokitzeko

Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.


Euskal Hedabideen Urtekaria Euskalerria Irratian aurkeztu du Behategiak

Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak


Eguneraketa berriak daude