Besteak beste, honako gai hauek jorratzen dituzte obrek: tratu txarrak, marjinalitatea, presio soziokulturala, desberdintasuna, garapen sexualaren eragozpenak eta behartutako prostituzioa.

Hainbat zinemaldietan saritutako lanak dira. Erresuma Batuko The Curse, Fyzil Boulifak zuzenduta. AEBetako bi film: batetik, Vladimir de Fontenayren Mobile Homes, eta bestetik, Christophe Nassifen What to Bring to America. Brasilen ekoiztutako Irene, Patricia Galuccik eta Victor Nascimentok sortuta. Eta Belgikan egindako Rae, Emmanuelle Nicoten filma..

 “XXI. mendean ere emakumeen aurrerapenari trabak jartzen dizkion indarkeria mota asko dago”, zehaztu dute Filmazipeko kideek, euren web gunean. Diotenez, bilduman, indarkeriaren aniztasuna islatzen duten istorioak jaso dituzte.

Clermont-Ferrandeko Nazioarteko Film Laburren Zinemaldiarekin eta Donostiako Giza Eskubideen Zinemaldiarekin elkarlanean egin dute pelikulen aukeraketa.

Azaroan, Donostian, Berangon, Barrikan, Azpeitian, Deban, Bakion eta Etxarri Aranatzen botako dituzte. Emanaldien inguruko informazio gehiago hemen.