BDP alderdi kurdua emakumeek gidatuta doa hauteskundeetara
Bake eta Demokraziarako Alderdiak (BDP) Turkian martxoaren 30ean egin behar diren udal hauteskundeetarako hautagaitza bikoitzeko sistema aurkeztuko du. Hauteskundeak irabaztekotan emakume eta gizon bana izango dira udalburu herri bakoitzean.
Emakumezkoak dira hautagaien %55 eta 49 hiritan emakume bat da zerrendaburua edo bigarrena, Cuarto Poder webgunean Manuel Martorellek informatzen duenez.
Turkiako hego ekialdeko herri askotan boterea izateaz gain, Justizia eta Garapenerako Alderdiari (AKP), gaur egun gobernuan dagoen indarrari, bere gain dituen herri eta hiri garrantzitsu batzuk kentzeko asmoa du BDPk, hala nola Urfa (800.000 biztanle) eta Gaziantep (2.000.000 biztanle) hiriak.
Mediterraneo eskualdeko eta Anatoliako hirietan ezkerreko hainbat alderdiren eta hautagai independenteen babesa du BDPk.
Salahatin Demirtas alderdiaren buruzagiaren iritziz, AKP alderdiak duen proiektu islamistarentzat hauteskundeak “amesgaizto” bihurtuko dira, hainbesteko emakume kopurua aurkeztea bere horretan garaipena dela uste baitu: “Beste inon ez dira aurkeztu emakumeek nagusitutako hainbesteko hautagaitza”.
Ibrahim Bilmez abokatua da eta Abdullah Öcalan buruzagi kurdua da bere bezeroa. Bere isolamendua salatu du Euskal Herrian otsailean, Turkiako errepresio eta inpunitate mekanismoak azalduta.
1999ko otsailaren 15ean Abdullah Öcalan atxilotu zuten, Kurdistango Langileen Alderdiko (PKK) eta mugimendu independentista kurduko burua. Turkiako zerbitzu sekretuek Kenyan atxilotu zutenetik, Marmara itsasoko uharte batean dagoen Iämralä-ko kartzelan isolatuta... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Urtzi Urrutikoetxea nazioarteko kazetariarekin mintzatu gara Radio Kobanen, iaz idatzitako Kurdistan-Argi bat ekialde hurbilean liburuari buruz. Testuak azken urteetako gertakizunei erreparatzen die, eta atzerago ere begiratzen du herri kurduaren egoera politikoa eta... [+]