Emakume etorkinek eraso gehiago sufritzen dutela salatu du SOS Arrazakeriak

  • Etorkinek bidaia klandestinoek dituzten arriskuei aurre egin behar izaten dietela azaldu du SOS Arrazakeriak, eta horri sexu indarkeria gehitu behar zaiola emakumeen kasuan. Erailak izateko duten arriskua Espainiako Estatuko emakumeek dutena baino sei aldiz handiagoa dela gaineratu du elkarteak.   


2016ko azaroaren 25an - 12:25
(Arg: Berria)

Emakumeenganako indarkeriaren aurkako egunarekin bat egin du Gizpuzkoako SOS Arrazakeria Elkarteak. Gai horri dagokionez, kanpotik etorritako emakumeen egoera bereziki gogorra eta mingarria dela azpimarratu du.

Gertaera horren zergatiak aztertu ditu SOS Arrazakeriak. Elkartearen ustez, baliabide espezializatuak eskuratzeko trabak jartzen zaizkie emakume etorkinei. Izan ere, azaldu du legeak ez duela kontutan hartzen jatorrizko herrialdeko familia eta egoerak, emakume etorkinen askatasuna mugatu dezakeela.

Horrez gain, Espainiako Estatura iristen diren emakumeek ez dute bertan lan egiteko baimenik. Horrek bikotekidearekiko menpekotasun ekonomikoa areagotzen duela adierazi du elkarteak. Etxeko lanetan dabiltzan emakume etorkinen egoera bereziki larritzat jo du SOS Arrazakeriak, gune horretan oso agerikoa baita indarkeria matxista.  


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude