Elkarrizketara deitu dute PSOEko hainbatek, biltzarrera bi bando aurkaritan joan ez daitezen

  • PSOEko buru Pedro Sanchezen aldekoek eztabaidara deitu dute irailaren 30ean, “erabateko haustura saihesteko”. Komite Federalak deituta urriaren 1ean kontrajarritako bi biltzar izatea ekidin eta alderdia bitan banatzen duen gatazkaren zati bat konpondu nahi dute, eldiario-k argitara emandakoaren arabera.

Sara Arruabarrena Azkarate @s8ara
2016ko irailaren 30a

Komite Federalaren bi biltzarretara daude deituta PSOEko kideak urriaren 1ean. Alde batetik, Exekutiba Federalak irailaren 29an eginiko bileran deiturikoa, non zuzendaritza berria aukeratzeko ez-ohiko kongresu baten data zehaztu nahi duten. Sanchezen aurka daudenek ez dute aintzat hartzen deialdia, haien esanetan biltzarra iragarri zenean PSOEko zuzendaritza ez zelako “existitzen”, kideen erdia gehi bat ez baitzeuden bertan.

Beste alde batetik, hautsak harrotu dituen PSOEren 29. Kongresuaren data zehazteko deituriko biltzarra dago. Kritikoek aintzat hartzen dute hau, PSOEko 17 kidek dimisioa eman aurretik iragarria izan zelako.

Alde baten eta bestearen argudioak

Urriaren 1eko Komite Federalaren bileran kongresua deitu nahi du Sanchezek, azarorako. Eta urriaren 23an primarioak izatea nahi du. Hala ere, azaldu dute “adostasunera irekitako proposamena” dela. Aurkariek “baliogabetzat” jo dute zuzendaritzaren proposamena, kideen %51 ez baitzegoen bileran. Sanchezen aldekoek alderdiaren estatutuak exekutibaren araudiaren aurretik daudela iritzi diote, eta horrelako kasuetarako lege hutsuneak daudela uste dute.

Etika eta Berme batzordeak auzian esku-hartzea nahi dute Sanchezen aurkakoek, eta hainbatek horretarako giltza Patxi Lopezek duela uste du. Hala ere, alderdiaren azken egunotako joerari jarraiki, hemen ere banatuta daude alderdikideak.

PSOE honek “min” ematen dio Odon Elorzari

Iritzi artikulua argitaratu du Odon Elorzak eldiario-n. Azaldu du “errudun” sentitzen dela irailaren 3an Komite Federalaren bilera deitzeko proposamenean gehiago tematu ez zelako, orduan bazelako “sakonean eztabaidatzeko” aukera.

“Ziur nago eztabaidak eta hausnarketak barne kohesioa indartzen dutela, desberdintasunen gainetik”, azaldu du Elorzak. “Komunikabideei adierazpenak egiten ziren bitartean agintarien arteko elkarrizketak ekidin ziren”, gaineratu du. Bukatzeko, Donostiako alkate ohiak azaldu du “akatsak eta askonahiak han eta hemen” ikusi dituela, eta ez dela “bando deitu dituztenen lehenengo lerroetan” izango.

Liskarrak El País-en editorialagatik

El País-eko erredakzio batzordeak Antonio Caño zuzendariak idatzitako PSOE salbatu editoriala salatu du. “Kezkarik gabeko burugabetzat” jo du Cañok Sanchez, eta “buruzagi zentzuduna” ez izatea egotzi dio.

Erredakzio batzordeko kideek azaldu dute oso bilera motzean Cañok kexak baztertu dituela, eta ez duela ildo editorialaren inguruko eztabaidarik onartzen. Artikuluaren erantzule bakarra bera dela gaineratu du El País-eko zuzendariak.

Langileek azaldu dute euren helburua ez dela ildo ideologikoaren balorazioa egitea izan, testuan erabilitako irainak salatzea baizik.

Kanal honetan artxibatua: PSOE

PSOE kanaletik interesatuko zaizu...
Fauna publikoa
Felipe Gonzalez, ongiaz eta gaizkiaz haraindi

Zinismo hitzaren definizioaren ondoan Felipe Gonzalezen esaldi hau agertuko da, noizbait, hiztegiren batean. Denbora kontua da.


2018-01-18 | Andoni Mikelarena
87 milioi euroko kostua izan du urriaren 1eko polizia operazioak, Zoidoren arabera

Espainiako Senatuan azalpenak eman ditu ostegun goizean Espainiako Barne Ministroak. Urriaren 1ean indar polizialek izandako jarrera defendatu du, “legitimoa, profesionala eta neurrikoa” izan zela argudiatuta.


2018-01-03 | ARGIA
ETAk armak utzita ere, urtean 2,7 milioi euro publiko gastatzen dira alderdi politikoen segurtasunerako

Espainiako Kontuen Auzitegiak zalantzan jarri du alderdi politikoek segurtasunerako jasotzen duten diru publikoa, ETAren amaieraren ondoren.


2018-01-03 | Andoni Mikelarena
Kataluniako erreferendumaren aurka poliziak izandako jokabideaz azalpenak emango ditu Zoidok

Urtarrilaren 18an egingo du agerraldia Espainiako Barne ministroak Senatuan. PSOEk eta EH Bilduk egindako eskaerei erantzunez, bere borondatez egingo du agerraldia.  


2017-12-20 | Andoni Mikelarena
Hauteskunde bezpera Katalunian
Kanpaina arraroa amaituta, beste plebiszitu baterako prest

Amaitu da kanpaina, ERCk Estremerako espetxean, Puigdemontek Bruselako kroma batean eta Ciudadanosek Bartzelonako Nou Barris auzoan. Orain itxarotea geratzen da.


2017-11-15 | Andoni Mikelarena
20.500.000 euroko zorra barkatu al zion Kutxabankek PSOEri?

Galdera horri erantzutera joan zen asteartean Kutxabankeko kontseilari ordezkari bat Espainiako Senatura. Hala ere, ez zuen argitu bankuak zorra barkatu ote zion Alderdi Sozialistari.


Fauna publikoa
Donostiako faraoiaren klasismoa

Zer adierazi nahi zuen Elorzak? Nahiko argi dago andaluziar inkultuaren estereotipoa atera zitzaiola itsu-itsuan; alegia, klixe tamalgarri bat, politikari batek inoiz erabili behar ez lukeena.


2017-10-26 | Andoni Mikelarena
PSOEk ez du sinatu Frankismoko krimenak epaitzea ahalbidetuko lukeen lege proposamena

Podemos, Compromis, En Comú Podem, EH Bildu, EAJ, ERC, En Marea eta PDeCAT-ek aurkeztu dute lege proposamena. Gizateriaren aurkako krimenak epaitu ahal izateko Amnistiaren legea aldatzea du xede proposamenak.


2017-06-29 | Unai Brea
CETA hitzarmena berretsi du Espainiako Diputatuen Kongresuak

Espainiako Parlamentuak berretsi egin du Europar Batasunaren eta Kanadaren arteko merkataritza askeko ituna (CETA), PP, Ciudadanos, PDeCAT eta EAJren aldeko botoekin. PSOEk jarrera aldatu du Pedro Sanchez idazkari nagusia hautatzeaz geroztik; oraintsu arte hitzarmenaren alde agertu da, baina ekainaren 29ko bozketan abstenitu egin da, aurreko egunetan iragarri legez. Gainerako alderdiek aurka bozkatu dute.


Miramon: produktora pribatu handien esku programak sortzen erreferentea zena

"Argiak jartzen dituen langilearen lekutik platoa zuzenean ikusi ezinik", "aurreko mendeko tresnak", "euria egiten duenean grabazioa eten egin behar dute teilatuak egiten duen zaratagatik" edo "pasilloak biltegi bilakatu dira, segurtasun minimorik gabe"- ETBko Miramonera egindako bisitaren harira, txio bilduma sareratu du Josu Estarrona EH Bilduko legebiltzarkideak, ekainaren 21ean.


Eguneraketa berriak daude