Elikagaiak jasoko dituzte Amurrion eta Laudion Saharako errefuxiatuen kanpalekuetara bidaltzeko

  • Eskoletan eta Amurrio eta Laudioko supermerkatuetan egongo dira janaria eta behar-beharrezko produktuak jasotzen.

Aiaraldea.eus @aiaraldea
2018ko urtarrilaren 11

“Piztu itxaropena” elkartasun karabanaren XIV. edizioa prestatu dute Saharako Errepublika Arabiar Demokratikoaren -SEAD- aldeko elkarteek. Tindufeko -Argelia- errefuxiatuen kanpalekuetara elikagaiak eta premia-premiazko produktuak eramatea da egitasmoaren xedea. Horiek biltzeko kanpaina egingo dute Aiaraldean, urtarrileko bigarren hamabostaldian.

 

 

Amurrion hilaren 19 eta 20an egongo dira, Eroski, Berriak eta Diaren supermerkatuetan. Laudion Eroski eta Berriaken egongo dira, 26 eta 27an. Avillo alargunen elkarteak eta Solastiar eta Jakaranda taldeek lagunduko dute bilketan. Eskoletatik ere igaroko dira, 22tik 29ra bitartean.

3.400 kilo janari bildu zituzten iaz eskualdean, eta aurten beste horrenbeste lortzea espero dute. "Kopurua mantentzea garaipen bat izango litzateke guretzat", adierazi du Ana Martinezek. SEADen lagunen elkarteko kideak nabarmendu du geroz eta okerragoa dela errefuxiatuen kanpalekuetako egoera: "geroz eta beharrizan gehiago dituzte eta laguntzak geroz eta gutxiago dira. Ez dakigu datorren urtean karabana antolatzeko aukerarik izango dugun".

 

Boluntario gisa parte hartzeko deia

Bilketan boluntario gisa parte hartzeko aukera luzatu dute ekimenaren antolatzaileek.  619 030 834 edo 945 393 887 telefonora deitu behar da horretarako.

Albiste hau Aiaraldeak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Mendebaldeko Sahara  |  Laudio  |  Amurrio

Mendebaldeko Sahara kanaletik interesatuko zaizu...
2018-07-13 | Estitxu Eizagirre
Hassana Aalia
"Espainiako poliziak errefuxiatuak ere torturatzen ditu, mugetan"

1988an jaioa, Saharan. 2011tik bizi da Euskal Herrian, Bilbon lehenik eta egun Hernanin. Saharar Kontseiluko Giza Eskubideen Komiteko kidea da. Mintzo zaigu bere kasuaz, torturaz, Saharaz, paperik gabe bizitzeaz, gero eta polizialagoa den Europaz...


2018-04-29 | Miren Osa Galdona
Sahara
Hiru belaunaldi, muturreko lurraldean harrapatuta

Bederatzi egun motz gera daitezke lau hamarkadako korapiloaren muina ulertzeko. Sahararrek 42 urte daramatzate Tindufeko (Aljeria) errefuxiatuen kanpalekuetan bizitzen eta hango errealitatea ezagutzeko asmoz 88 zumaiar bertaratu dira, Darahli Elkarteak antolatutako bidaian. Auzolanean, bi herrien arteko elkarlana bideratzea eta 16 urteko ikasle euskaldunek ikas-esperientzia aberasgarriaz gozatzea da helburua. Haiekin bidaiatzeko aukera izan dut.


2018-03-25 | Garazi Zabaleta
Saharako egarria asetzeko, emakumeek dute giltza

Jakina da gizakiok eta izaki bizidunok bizitzeko nahitaezko dugula ura. Nazio Batuen Erakundeak ere gizaki guztiok ura izateko dugun eskubidea txertatua du bere oinarrietan. Baina, nola bizi dute eskubide hori, esaterako, Hamadako desertu idorrean bizi direnek? Saharako errefuxiatu kanpamentuetan kalitatezko ura lortzeko zailtasunek erronka bihurtu dute herritar guztiek urerako sarbidea bermatua izatea. Horretarako laguntza lanean dihardu Arabako SEADen Lagunen Elkarteak.


Saharako gazteria ahalduntzen
MULTIMEDIA - erreportajea

Euskadiko, Nafarroako, Kataluniako eta Espainiako Gazte Kontseiluek Saharako errefuxiatuen kanpamentuetara bidaiatu zuten formakuntza ematera. Formakuntzaren helburua gazte kontseiluek elkartegintzan eta parte-hartzean egiten duten lana Saharako gazteei helaraztea zen eta hauek egunerokotasunean aurkitzen dituzten erronkei aurre egiteko tresnak ematea. Bidaiaren ondorioen laburpena da bideoa.


2018-03-06 | Urumeako Kronika
Hernanitik 6.528 kilo elikagai bidali dituzte Saharako kanpamenduetara

Maiatza aldera iritsiko dira kamioiak kanpamentuetaraino. Gipuzkoan 70 tona inguru bildu dira eta Euskadin 220, guztira sei trailer eta furgoneta.


2018-02-27 | ARGIA
Duela 42 urte aldarrikatu zuten Saharako Errepublika Arabiar Demokratikoa

1976ko otsailaren 27an Fronte Polisarioak Saharako Errepublika Arabiar Demokratikoa aldarrikatu zuen Bir-Lehlu-n.


2017-12-27 | Miren Osa Galdona
Sahararen aldeko euskal karabanaren kanpaina abian da

Piztu itxaropena lelopean, Sahararen aldeko material bilketa hasi da. Araba, Bizkaia eta Gipuzkoako hainbat herrik bat egin dute ekimenarekin eta urtarrila erdialdera arte janaria emateko aukera izango da.


2017-12-14 | Hala Bedi
Robokoop, eskaintza faltsuak Marokok Mendebaldeko Saharari egiten dion lapurreta salatzeko

Denda berri bat ireki dute Gasteizko Dendaraba gunean, Marokok beste herrialde batzuekin batera aurrera eramaten duen espoliazioa salatzeko eta jendartea kontzientziatzeko. Prezio faltsuak ditu dendak, “baina eguneroko lapurreta handiagoa da”. Sarean ere webgunea zabaldu dute: www.robokoop.com


Lapurreta bati buruzko istorioa
MULTIMEDIA - bideo herrikoia

Mendebaldeko Sahararen baliabide naturalen espoliazioak Marokoren okupazioa finantziatu eta iraunkortu egiten du, estatu eta transnazionalen laguntzarekin.

Euskarazko azpitituluak aktibatzeko Youtuben azpidatzien botoia sakatu behar da aurrena.


2017-10-27 | ARGIA
Juaristi eurodiputatuari Saharara iristea eragotzi dio polizia marokoarrak

Josu Juaristi (EHBildu) Europako Legebiltzarreko parlamentariari hegazkinetik jaisten ere ez dio utzi polizia marokoarrak. Politikariak berak zabaldu du albistea, argazki eta guzti, Twitterreko bere kontutik. Mendebaldeko Sahara bisitatzea zen Juaristiren asmoa.


Azkenak
EGILEA
Eguneraketa berriak daude