Gure elikaduraren parte diren espezieak gero eta gutxiago direla azaltzen du laaldeaglobal.com blogeko artikulu batek. Elikagaiak aukeratzean itxura eta iraunkortasuna bezalako ezaugarri komertzialak bakarrik kontuan hartzen dira, webgunean diotenez.
AEBetan fruta eta barazkien %90a desagertu direla dio Charles Siebert National Geographic aldizkariko kazetariak. Esaterako, XIX. mendean ezagutzen ziren 7.000 sagar espezietatik ehun baino gutxiagok diraute gaur egun. Mundu osoan halakoak gero eta gehiago direla azaltzen du Siebertek.
Elikagaiak lantzean, ekoiztean edo aukeratzean aniztasunaren irizpidea ahaztea arriskutsua dela nabarmendu du artikuluak. Izan ere, gaitz hipotetiko batek uztak errazago suntsi litzake, adibidez. Gainera, ekonomikoki dirudiena baino kaltegarriagoa izan daiteke, besteak beste, pestizidetan, sendagaietan eta ongarrietan gastuak handitu baitira. Dibertsitaterik ez edukitzeak menpekotasuna sortzen duela azpimarratu du blogak.