Dokumentala Soberaniaalimentaria.tv webgunean ere topa dezakegu, Euskal Herriko eta nazioarteko kolektibo, gatazka, proiektu eta abarrei buruzko beste bideo eta dokumentu ugarirekin batera.

"Elikadura Burujabetza, elikagaiak nutritiboak eta kulturalki egokiak izateko herriek duten eskubidea da, edonorentzat eskuragarriak, eredu iraunkorrean eta ekologikoki ekoiztuak, eta herriak berak elikapen zein ekoizpen eredua erabakitzeko eskubidea bermatzen duena", irakurri dezakegu webgunearen azalean. "Eredu honek elikadura-politikaren ardatz bilakatzen ditu ekoiztu, banatu eta kontsumitzen dutenak, merkatu eta enpresen eskakizunei muzin eginez. Datozen belaunaldien eskubideak kontuan hartu eta barneratzen ditu; libre eta merkataritza-korporatiboa zein oraingo elikatze-sistema suntsitzeko eta hauen presioaren aurrean erresistitzeko estrategiak eskaintzen ditu; baita artzaintza, arrantza, nekazaritza eta elikatze-sistemak tokian-tokiko ekoizleez kudeatuta egoteko estrategiak bideratu ere. Elikadura burujabetzak tokiko ekonomiak eta tokiko merkatuak eta nazionalak lehenesten ditu, eta nekazariei eta nekazaritza familiarrari, ohiko arrantzari eta betiko artzaintzari ematen die boterea".