Abortatzea egotzita 30 urteko espetxe zigorra ezarri diote bortxaketa baten biktimari El Salvadorren

  • El Salvadorren lurrikara eragin du 19 urteko Evelyn Beatriz Hernandezen kasuak. Haurra galdu zuenean "hilketa larria" egotzi zioten. Gazteak jakinarazi du hainbat aldiz bortxatu eta haurdun utzi zutela. Hernandezen abokatuak defendatu du haurra hilda jaio zela. 30 urteko espetxe zigorra ezarri diote.

Lander Arbelaitz @larbelaitz
2017ko uztailaren 13a
El Salvadorko emakume bat abortoaren despenalizazioa eskatzeko manifestazio batean, San Salvadorren, 2017ko otsailean. (Argazkia: Marvin Recinos/AFP/Getty Images)

2016ko apirilean amak etxeko komunean konortea galduta aurkitu zuen, haurra izan berritan. Ospitalera eraman zuen eta hango medikuek salaketa jarri eta poliziari deitu zioten, abortatzea egotzita. Ospitaletik kartzelara eraman zuten eta han da ordutik. 2017ko uztailaren 5ean egindako epaiketan 30 urteko espetxe zigorra ezarri zioten.

"Frogarik gabe, soilik zantzuen arabera zigortu dute, eta horrek esan nahi du ez dela prozesu egokia aplikatu. Epaileak esan zuen familia giroko hilketa bat zela kasua", salatu dute ACDATEE kolektibo feministako kideek, El Paísek jaso duenez.

Ama kartzelara eta bortxatzailea libre

Evelyn Hernandezek salatu du hainbat aldiz bortxatu zutela, eta ez zuela salaketarik jarri, bere ama hilko zutela mehatxu egin ziotelako.

Hernandezen kasua abortoengatik 30 urteko espetxe zigorra betetzen ari diren El Salvadorko beste 17 emakumeren kasuei batu zaie. Emakume hauen askatasuna eskatuz aborto eskubidea aldarrikatzen duen Las17 mugimenduak protesta ugari egin ditu azken kasu hau salatzeko.

Azpiko bideo honetan ikus daiteke gazte honen kasua salatzeko egindako protesta feminista bat.

El Salvador: haurra galtzeagatik emakumeak espetxeratzen dituzten lekua erreportajean jaso du The Guardian egunkariak herrialde horretan emakumeek pairatzen duten zapalkuntza. Hainbat emakumeren testigantzak jasotzeaz gain, azaldu dute 40 urte arteko zigorrak jaso ditzaketela abortoa praktikatzen dutenek.

Horrek ez du saihesten ordea leku ezkutuetan abortoak egitea. Amnesty Internationalen arabera, 20.000 aborto gauzatu ziren herrialdean 2005 eta 2008 urteen artean, nahiz eta GKEek dioten zifra hori baxua dela. Ehunka emakume hiltzen dira urtero abortatzerakoan gertatutako konplikazioengatik, eta harrapatzen dituztenak espetxeratu egiten dituzte.

Legearen zama eta osasun arriskuak bereziki komunitate txiroek pairatzen dituztela salatzen dute eragile feministek.

Abortoa krimena den herrialde batean haurdun geratzearen arriskuak. (Argazkia: Nadia Shira Cohen)
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abortu eskubidea  |  Feminismoa  |  El Salvador

Abortu eskubidea kanaletik interesatuko zaizu...
Mugimendu feministaren beste garaipen bat

Maiatzean Irlandan egin bezala, Argentinan ere mugimendu feminista garaile atera da Eliza Katoliko atzerakoiaren presioen gainetik. Diputatuen ganbera abortu legearen alde agertu da, hamaika urtean sei aldiz baztertu ostean.


2018-06-14 | ARGIA
Argentinako diputatuen ganbera abortu legearen alde agertu da

22 orduz luzatu da diputatuen arteko eztabaida, hauek zer esango, kongresuaren aurrean jende andana bilduta zegoen bitartean.


2018-05-28 | ARGIA
Abortua despenalizatu dute Irlandan

Irlandako Errepublikako Gobernuak abortu legearen gaineko araudia aldatzeari buruz galdetu die herritarrei ostiralean egindako erreferendumean. Abortatu eskubidearen aldeko aldarria nabarmenki gainjarri zaio kontrakoari.


2018-05-25 | Amaia Lekunberri
Abortatzeko eskubidea eztabaidagai Irlandan

Erreferenduma egingo dute gaur Irlandako Errepublikan, abortua despenalizatu ala ez erabakitzeko.


Aurrera doa Polonian onartu nahi den legea: kartzela zigorra abortatzeagatik

Milaka emakume kalera atera dira asteburuan Varsovian, Poloniako Parlamentua eztabaidatzen ari den abortuaren legeari kontra egitera. Iragan astean, mundu osoko 200 erakunde baino gehiagok legea geldiaraztea eskatu zuten.

 


Irlandarrek abortua debekatzen duen lege zurrunenetako bat iraultzeko aukera izango dute

Abortuaren inguruko erreferenduma egingo dute Irlandan maiatzaren bukaeran, Leo Varadkar herrialdeko lehen ministroak jakinarazi duenez


2017-12-27 | Miren Osa Galdona
Eliza batean abortu eskubidea aldarrikatzeagatik, zigorra Mallorcako bost feministen aurka

Balear Irletako Probintzia Auzitegiak urtebeteko kartzela zigorra ezarri zien Herrialde Katalanetako bost feministei 2014an abortu legearen aurka eliza batean protesta egiteagatik. Errekurtso eskaera bertan behera utziz, Auzitegi Gorenak epaia berretsi du, askatasun erlijiosoaren aurkako ekintza izan zela argudiatuta.


2017-12-15 | Miren Osa Galdona
El Salvadorren 30 urteko kartzela zigorra berretsi diote nahi gabeko abortua izan zuen emakume bati

El Salvadorreko auzitegi batek erdigunean jarri du abortu eskubidearen auzia herrialdean eta  mundu mailan: 2008an Teodora Vazquezi, nahi gabeko abortua izan zuen emakumeari, 30 urteko kartzela zigorra ezarri zioten umekia hiltzeaz leporatuta. Defentsak apelazioa aurkeztu ostean, epaileak berretsi egin du orain zigorra.


Milaka lagunen manifestazioa Dublinen, abortatzeko eskubideari buruzko erreferendumaren atarian

Abortatzeko eskubidearen aldeko Martxak milaka lagun bildu ditu asteburuan Dublinen. Tradizio katolikoak pisu handia du Irlandan eta konstituzioak berak debekatzen du abortua, 14 urtera arteko espetxe-zigorrekin. Datorren udaberri-udarako gaiari buruz erreferenduma iragarri du Gobernuak.


2017-08-22 | Xalba Ramirez
Abortua hiru kasutan despenalizatu egin dute Txilen

Txileko auzitegi konstituzionalak ontzat eman du abortua hiru kasutan despenalizatzeko lege proiektua. Oposizioak hainbat errekurtso jarri ostean hartu du auzitegiak erabakia.


Azkenak
EGILEA
Eguneraketa berriak daude