Ekintzaile feminista bat epaitegian Barakaldon, abortu eskubidearen alde mobilizatzeagatik

  • 2013ko abenduaren 27an 70 emakume inguruk itxialdia egin zuten Gurutzetako Ospitalean abortatzeko eskubidearen alde. Ertzaintzak indarrez kanporatu zituen denak, eta epaituko duten gaztea atxilotu zuen. 18 hilabeteko espetxe zigor eskaera egin du Fiskaltzak.

Topatu.eus @topatu_eus
2016ko otsailaren 12a
Abortatzeko eskubidearen alde egin zen mobilizazio ugarietako bat izan zen Barakaldokoa.

Espainiako Gobernuak abortuaren legea aldatzeko asmoa plazaratu bezain pronto, emakumeek beraien gorputzen inguruan erabakitzeko duten eskubidearen alde mobilizatu zen Hego Euskal Herriko mugimendu feminista.

Plataformak hainbat protesta ekintza antolatu zituen, besteak beste Donostia, Gasteiz, Iruñea eta Barakaldoko ospitaleetan egindakoak. Azken horretan, itxialdia egin zuten, baina Ertzaintzak indarrez eta arrastaka atera zituen ekintzaile guztiak. 

Horietako gazte bat atzeman egin zuten, eta ostiralean epaituko dute Barakaldoko epaitegian. Urte eta erdiko espetxe zigor eskaerari egin beharko dio aurre. Babesa emateko, elkarretaratzea egingo dute 12:30ean.

Hauxe izan zen gertatutakoa:

Berria egunkariak publikatutako bideoak.

 

 

Bizkaiko Bilgune Feministak plazaratutako bideoa.

[Albiste hau Topatu.eus hedabideak argitaratu du eta CC-by-sa lizentziari esker ekarri dugu ARGIAra]

Kanal hauetan artxibatua: Abortu eskubidea  |  Barakaldo  |  Epaiketak

Abortu eskubidea kanaletik interesatuko zaizu...
Aurrera doa Polonian onartu nahi den legea: kartzela zigorra abortatzeagatik

Milaka emakume kalera atera dira asteburuan Varsovian, Poloniako Parlamentua eztabaidatzen ari den abortuaren legeari kontra egitera. Iragan astean, mundu osoko 200 erakunde baino gehiagok legea geldiaraztea eskatu zuten.

 


Irlandarrek abortua debekatzen duen lege zurrunenetako bat iraultzeko aukera izango dute

Abortuaren inguruko erreferenduma egingo dute Irlandan maiatzaren bukaeran, Leo Varadkar herrialdeko lehen ministroak jakinarazi duenez


2017-12-27 | Miren Osa Galdona
Eliza batean abortu eskubidea aldarrikatzeagatik, zigorra Mallorcako bost feministen aurka

Balear Irletako Probintzia Auzitegiak urtebeteko kartzela zigorra ezarri zien Herrialde Katalanetako bost feministei 2014an abortu legearen aurka eliza batean protesta egiteagatik. Errekurtso eskaera bertan behera utziz, Auzitegi Gorenak epaia berretsi du, askatasun erlijiosoaren aurkako ekintza izan zela argudiatuta.


2017-12-15 | Miren Osa Galdona
El Salvadorren 30 urteko kartzela zigorra berretsi diote nahi gabeko abortua izan zuen emakume bati

El Salvadorreko auzitegi batek erdigunean jarri du abortu eskubidearen auzia herrialdean eta  mundu mailan: 2008an Teodora Vazquezi, nahi gabeko abortua izan zuen emakumeari, 30 urteko kartzela zigorra ezarri zioten umekia hiltzeaz leporatuta. Defentsak apelazioa aurkeztu ostean, epaileak berretsi egin du orain zigorra.


Milaka lagunen manifestazioa Dublinen, abortatzeko eskubideari buruzko erreferendumaren atarian

Abortatzeko eskubidearen aldeko Martxak milaka lagun bildu ditu asteburuan Dublinen. Tradizio katolikoak pisu handia du Irlandan eta konstituzioak berak debekatzen du abortua, 14 urtera arteko espetxe-zigorrekin. Datorren udaberri-udarako gaiari buruz erreferenduma iragarri du Gobernuak.


2017-08-22 | Xalba Ramirez
Abortua hiru kasutan despenalizatu egin dute Txilen

Txileko auzitegi konstituzionalak ontzat eman du abortua hiru kasutan despenalizatzeko lege proiektua. Oposizioak hainbat errekurtso jarri ostean hartu du auzitegiak erabakia.


2017-08-04 | Leire Murguialday
Esperantzara kondenatuak

Garaipenik eta galtzekorik gabe kantatzen zuen Garik duela urte batzuk, eta hala bizi dute emakume gehienek haien errealitatea El Salvadorren. Bizitzak ezer gutxi balio duen herrialde honetan, zer esanik ez baliabide urriko emakumeenak.


2017-07-13 | Lander Arbelaitz
Abortatzea egotzita 30 urteko espetxe zigorra ezarri diote bortxaketa baten biktimari El Salvadorren

El Salvadorren lurrikara eragin du 19 urteko Evelyn Beatriz Hernandezen kasuak. Haurra galdu zuenean "hilketa larria" egotzi zioten. Gazteak jakinarazi du hainbat aldiz bortxatu eta haurdun utzi zutela. Hernandezen abokatuak defendatu du haurra hilda jaio zela. 30 urteko espetxe zigorra ezarri diote.


Simone Veil, abortatzeko eskubidearen defendatzaile sutsua zendu da

Goiz honetan zendu da Simone Veil, emakume determinatua eta indartsua. Mentalitateak aurka zituela, abortatzeko eskubidearen aldeko legea pasarazi zuen Frantziako Legebiltzarrean 1975eko urtarrilaren 17ean. "Veil Legea" izenarekin ezaguna den eskubidea. Judu izateagatik Auschwitzeko kontzentrazio-esparrutik pasatakoa, Bigarren Mundu Gerran deportaturikoen memoriaren alde ere borrokatu zen bizitza osoan.


Lesbianei ugalketa bermatzeak "antolakuntza arazoak" dakartzala esan zuen goi karguak dimititu du

Ricardo Ezkurrak abortuaren dekretuaren "formekin" iritzi kontrajarria daukala adierazi du, ez ordea "edukiarekin". UPNren garaian izendatutako azken karguetako bat da Ricardo Ezkurra.


Azkenak
EGILEA
Eguneraketa berriak daude