Ekainaren 3an: UPNk kateak funditu nahi ditu bere arragoan

  • Ekainaren 3an manifestaldia izango da Iruñean, Gurea Defenda Dezagun plataformak eskatuta, Nafarroako Gobernuak ez dakigu noiz debekatu omen duen Erreinuko bandera defendatzeko asmoz, edo ikurrina eraikin publikoetan eskegitzea debekatzen zuen legea berreskuratzeko asmoz, auskalo zein askatasunen harira.

Aitor Casta˝eda Zumeta @aitorcastanedaz
2017ko maiatzaren 18a

Kuriosoa leloa, elebiduna gainera, 1900 urte aldera Arturo Campión euskaltzale nafarrak paper batean marrazturiko sinboloa Espainiako atxikimendu sendoenaren defentsarako erabiltzea. Amnesia historikoak jota, horra alderdi defendatzaileak, hurrenez hurren, Nafarroaren nortasuna tinko mantentzeko asmoz:

UPN, navarrísimo delakoa eta Plataformaren bultzatzailea baino erdaldunago, bere hauteskunde-porrota onartu ez eta euskal kiratsa darion edozeri muzin egiten diona, afiliatu kopuru bat Nafarroako mendietan erosi behar izan baditu ere, Berrian euskarari laudorioak botatzeko eta handik bi hilabete eskasera Zizur Zendea zonalde elebidunetik indarrez ateratzeko, El Español eta Diario de Navarraren sostengua bide. Iparraldean gauza bat, hegoaldean beste bat, eta beti Iparrik gabe.

PPN, Nafarroan aurrekoarekin zuen paktua desegitean Parlamentura lau  ordezkarirekin istripuz iritsi zena, oraingoan horien erdia ere galdu duela. Paktuen eta akordioen sinbolo gisa aurkezten da ordea, gizarte Nafarraren %10a ordezkatzera ailegatzen ez bada ere, eta Aragoiko buru bat jarri behar badu ere, alderdia nora begiratzen duen argi geratuko ez bada.

Ciudadanos delakoa, Euskal Autonomia Erkidegoan Herritarrak, Nafarroan bakarrik Ciudadanos, eta batean zein bestean “ciudadanas” direnak euskara bezainbeste maite dituenak, ekainaren 3ko manifestazioaren printzipioen erdia ere defendatzen ez duena: nafar instituzioen mantentzea hain zuzen, komunitateari autonomia erdia eta kontzertu ekonomikoa kendu nahi dizkiolarik. Ciudadanos Nafarroaren “erdia” da: hizkuntza bietatik bat, sexu bietatik bakarra eta Nafarroaren eskuduntzetatik erdia baino sostengatzen ez dituena. Ordezkarietan, makalago ei dabil, hutsaren hurrengotik oraindik.

Amaitzeko, PSN daukagu, duela 3 bat urtez oposizioa izatetik PPNk baino irudi eskasagoa izatera pasa dena, eta azken unean manifestaldira salto egin duena akaso Madriletik hala eskatuta. Franko dira PSOEn Nafarroaren hitzarmen ekonomikoa euskara bezainbeste maite dutenak, baina PSNri bost (Nafarroako Parlamentuan dituzten diputatuen kopuruaren zenbakia ia): navarrísimoen lasterketan inor ez dago soberan, Nafarroa non dagoen ere ez dakitenak ongi etorriak baitira festara.

Errespetagarria da norbera manifesta dadila nahi duen beste, eta nahi duela eskuetan, baldin eta ikurrina esku-artean ez badu behintzat, terrorismoa ez ote den izango. Ziur nago Nafarroarenak ez diren ikur gehiago ikusiko ditugula bertan ordea, gorriez gain, gorri-horiak, horiek baitira Nafarroaren benetako ikurrak. Batez ere azkena, eta noski, gazteleraz.

Aitor Gaztainaga

 

Kanal hauetan artxibatua: Iritzia  |  Nafarroako politika

Iritzia kanaletik interesatuko zaizu...
2017-12-17 | Mikel Asurmendi
Parisek meza bat balio du (*)

Politikak eta erlijioak badute ezaugarri anitz komunean. Konbikzioak behar dituzte, zintzotasuna ere bai. Alabaina, politikaren erraietan jukutria dago, makiabelismoa; estatuaren arrazoia izate oroz gainetik dago.

Parisko 2107ko abenduaren 9ko manifestazioaren historia 1958an hasi zen, ETAren sorrerarekin hasi ere. Egungo gatazka politikoa ulertzeko ETAren bilakaeraren hainbat ezaugarri gogoratu behar dira: ETA herriaren erraietatik jaio zen eta sustraiak errotzeko “santutegia”... [+]


Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-12-17 | June Fernandez
Zapiak

Valladolid. Iraileko arratsalde eguzkitsua. Karima, Arantxa eta beste lagun bat euren seme-alabekin zeuden auzoko igerileku publikoan. Gustura zeuden zelaian, jantzirik, haurrak jolasean begiratzen zituzten bitartean. Bat-batean igerilekuko zaintzailea gerturatu zitzaien: “Hemen ezin duzue jantzita egon. Arropak eransten ez badituzue, igerilekutik alde egin beharko duzue. Bestela, poliziari deituko diot”. Zelaian jende gehiago zegoen jantzirik, baina Karimak eta lagunak hijaba... [+]


2017-12-17 | Itxaro Borda
Tabula rasa

Islandiatik etorri zaigu, azken egunetan, Utopiaren soinu banda Björk erraldoiaren eskutik eta urtea bukatzen doala Axiari aita-semeek Joseba Irazokirekin, Omaha hiriaren bihotzetik oparitzen diguten albuma, biak uztartzen ahal ditugu Eguberriko menskeria kontsumitzaileen hatzak ezabatzeko: buklean entzuten ditugu Tabula Rasa eta Wounded Knee Prayer… Egiaren errateko Oier Etxeberriaren Locuela sinetsi ezinak belarri zokoan dauzkagula garunak alaitzeko!

Erakunde armatuak orain... [+]


2017-12-17 | Irati Elorrieta
Formatuak axola al du?

Saiatu naiz zutabea txioen formatuarekin idazten. Ez dut lortu. Porrota. Baina berdin da, malgua izan eta hibrido batekin kontentatuko naiz.

Urteak dira H.rekin hizketaldi onik izan ez dudala. Nitaz duen erretratu mentalaren azpititulua konbertsaziorako ezinezko bihurtu den ama.

H.: Open mike-etan aurkitzen ditudan gazteekin hitz egiten saiatzean, like-botoia eta komentario laburrak jasotzen ditut. Pantailan bezala.

H.: Telefonorik esku artean ez dutenean ere, telefonoz ari balira... [+]


21 urte nahikoa dira! MME nekazaritzatik kanpora!

Merkataritzaren Munduko Erakundea eta Elikadura Burujabetza kontzeptu antagonikoak dira. Lehenbizikoaren helburua da urratsez urrats mundu osoan merkatu “libre” bat eraikitzea, baita nekazaritzan ere, ekoizpena oztoporik gabe eramateko munduko leku batetik bestera, produkzio-kostu txikienak dituen tokian kokatuz. Horren ondorioz, munduko eskualde bakoitza espezializatu egiten da bere testuinguruan merkeena den ekoizpena egiten. Lehiaketa horretan, ikuspegi sozialak, lokalak,... [+]


Anasagasti oso haserre dago, baina ez du arrazoirik

Iñaki Anasagasti bortizki mintzatu da hezkuntza publikoak EAEn egindako grebaz: lotsagabea izan omen da, familiei eguna izorratu die eta haurrak deformatu ditu. Argudio sorta dakar berak, Eusko Jaurlaritzaren bertsioa. Hona beste bertsio bat:


Naftalinarekin seduzitzen

Publikatu den lekuan publikatu delako, hain justu, arduratzen naute Urrutiak irakurlego horri bidali dizkien mezuek


2017-12-13 | Mikel Zurbano
Zerga atzerakada

Confesbask-en argudioak erabili dituzte alderdiok neurria legitimatzeko. Neurri honek inbertsioa handituko omen du eta beraz enplegua. Hau da erabilitako argudio nagusia eta ez da balekoa. Izan ere, aspaldiko ebidentzia enpirikoak bertan behera utzi du garai bateko mozkinak, inbertsioa eta enpleguaren arteko ekuazioa.


Langile mugimendua eta sindikalgintza oztopatzea helburu

“Foru Enplegu Publikoaren Etikaren eta Kudeaketa Onaren Kodea” Gipuzkoako Foru Aldundia zuzentzen duten PNV eta PSEko arduradunek langile mugimenduaren eskubide sindikalak gutxitzeko eta sektore publikoa desarautzen jarraitzeko azken asmakizuna da. Nola ez, beren negozioen eta enpresarien mesedetan egindako ekarpen berria da.


Eguneraketa berriak daude