EiTBko zuzendariak SGAEko "gurpila" iruzurraren auzian deklaratu zuen

  • SGAEko 18 bazkide atxilotu zituzten operazioan EiTB miatzeaz gain, Espainaiko Poliziak Maite Iturbe zuzendaria deklaratzera deitu zuen. Ez Jaurlaritzak ezta EiTBk ere ez dute horren berririk eman.

Xalba Ramirez @xalbaram
2017ko abuztuaren 09a

Eldiario.es-ek jaso du albistea Jaurlaritzako bi iturri aipatuz. Beren arabera, Iturbek ezer ez deklaratzeko hautua egin zuen, nahiz eta kolaboratzeko prest agertu.

Iturbek Jaurlaritzako Etika Batzordean jakinarazi omen zuen gertatutakoa, baina ez da bere kontrako neurririk hartuko epaiketa prozesua irekitzen ez den bitartean. Izan ere, batzordearen arabera, ez omen dago argi Iturbe inputatu edo lekuko gisa deitu zuten ere, auzia sekretupean baitago.

Jaurlaritzako iturrien arabera, EiTB-n –beste kateetan ez bezala– zuzendaria bera da autoreen elkarteei ordainketak egiteaz arduratzen dena, eta horregatik izan daiteke deklaratzera deitu izana.

“Gurpila” gisa ezagutzen den telebistako praktikaren harira atxilotu zituzten SGAEko 18 bazkide ekainaren 21ean. Ordu txikietan jartzen diren giro musikalak “kalitate baxuko musika edo moldaketa faltsuak dira” Poliziaren arabera, telebista kateen argitaletxeek egile eskubideengatik ordaindu behar dutena poltsikora itzultzeko beren-beregi sortuak. Bide hau erabiliz 2006 eta 2012 urteen artean 25 milioi euro fakturatu zituzten hamaika bazkideren zerrenda osatu zuen Anton Reixa SGAEko zuzendari ohiak.

Kanal hauetan artxibatua: Ustelkeria  |  Kultura

Ustelkeria kanaletik interesatuko zaizu...
2017-11-08 | Miren Osa Galdona
Gürtel auziko polizia buruak dio Rajoyk B kutxatik kobratu izanaren zantzuak daudela

Espainiako Kongresuko ikerketa batzordeko galderei erantzun die Manuel Morocho Gürtel auziko polizia buruak eta, guztiz baieztatu ez duen arren, Rajoyk PPko B kutxatik ordainsariak kobratu izanaren zantzuak antzeman dituela adierazi du. Horrez gain, salatu du auzia gelditzeko “presioak” jasan dituela.


2017-11-06 | Andoni Mikelarena
Paradisu fiskaletan negozioak egin dituzten ehunka pertsonaren zerrenda filtratu dute

Ikerketa Kazetaritzako Nazioarteko Kontsortzioak publikatu du zerrenda, Paradise Papers izeneko txostenaren bidez.


Barcina eta Sanz CANeko parlamentuko ikerketa batzordera deitu dituzte

Gobernua babesten duten lau alderdiek eskatu dute presidente ohien agerraldia batzordean.  Enrique Goñi Nafarroako Kutxako presidenteak bere burua eskaini du batzorde horretan agertzeko. Jose Antonio Sarria Enpresarien elkarteko presidentea, Jose Antonio Asiain Banka Civikako kontseilaria eta Alvaro Miranda ekonomia kontseilari ohia daude deituta, besteak beste.


2017-10-26 | Andoni Mikelarena
Nafarroako Kontuen Ganberak salatu du Bardeako Komunitateak gehiegizko gastuak egin dituela

Nafarroako Parlamentuak eta Valtierrako udalak egindako eskaerari erantzunez Nafarroako Kontuen Ganberak informe bat egin du Bardeako Komunitateak egindako gastuei buruz.


AHTko obretan 5,8 milioi euroko ustezko iruzurra atzeman zuen Arabako fiskaltzak

El Diario.es-en arabera, salaketa batek hasi zuen ikerketa eta Ertzaintzak eta Guardia Zibilak hartu zuten parte. Kasua Gipuzkoako fiskaltzaren esku uztean, honek artxibatu egin zuen.


Ultzamako biometanizazio planta auzitara eramango du Gobernuak

Finantzaketa publikoan eta diru-laguntzetan izan diren irregulartasunak direla-eta, eta arduradunak badaudela jakinda auzitara jotzea erabaki du laukoak.


2017-09-06 | Xalba Ramirez
Ustelkeria kasu gutxiegi iristen da epaitegietara EAEko fiskaltzaren arabera

Eldiario.es-ek argitaratutakoaren arabera, EAEko fiskaltzak larritzat jo du horren ustelkeria kasu gutxi iristea epaiketaraino. Arrazoi nagusien artean lekukoen kolaborazio falta edo ustelkeria departamentu propioa ez izatea aipatu ditu.


Experts in mixing

Telefonoak jo zion. Madrildik zen, etortzeko, probintziako liga utzi eta Bernabeura saltatzeko unea zela. “Azkenik”, atera zitzaion deia moztu bezain laster eta tenkatu zuen aurpegia imintzio batean, nahastu zitekeena irribarre batekin.


2017-07-20 | Xalba Ramirez
Guardia Zibila Kataluniako Generalitatera eta Parlamentera joan da %3ko komisioen kasuagatik

Guardia Zibila Generalitateko Palaura eta Parlamentura joan da CDC alderdiaren ustezko finantziazio ilegala dela eta, Kataluniako Epaitegi Gorenaren aginduz. Auzi horregatik Germà Gordó justizia kontseilari ohia ari da ikertzen. Jordi Turull presidentziako kontseilariak sarrera galarazi die, baina eskatutako informazioa eman die.


2017-07-18 | Jon Torner Zabala
Espainiako Futbol Federazioko presidente Angel Maria Villar bilbotarra atxilotu dute

Espainiako Futbol Federazioaren kontrako polizia operazioan Angel Maria Villar presidentea eta haren seme Gorka atxilotu dituzte besteak beste, El País egunkariak jakinarazi duenez.


Azkenak
EGILEA
Eguneraketa berriak daude