EITBko iragarkietan gastatuko du Jaurlaritzak Kultura Bonoaren aurrekontuaren erdia
200.000 euro gastatu ditu Eusko Jaurlaritzak Kultura Bonoa EITBn promozionatzeko. Produktu kulturalen kontsumoa bultzatzeko ekimenak daukan aurrekontuaren erdia da.
Joxean Muñoz Kultura sailburuordeak (ezkerretik hirugarrena) hainbat sortzaileren konpainian aurkeztu zuen Kultura Bonoa duela egun bi.
Bigarren urtez kaleratu ditu Jaurlaritzak “euskal industria kulturala” sustatzeko bonoak. Horien eskuratzen dituztenek, deskontuak dauzkate liburuak edo sarrerak erostean besteak beste.
400.000 euroko aurrekontua dauka ekimenak eta, El Correo egunkarian irakurtzen denez, kopuru horren erdia EITBk jasoko du bonoa promozionatzeko kanpainaren bidez.
Iaz egin zuten bezala, sektore kultural bakoitzak astero kontzertu, antzezlan, film estreinaldi eta argitalpen berriak aukeratuko dituzte irrati-telebista publikoan publizitatzeko. Iragarki horiek prime timean emitituko dituzte.