EiTBk ez du emititu Espainiako gerra zikinari buruzko dokumentala, iragarrita zuen arren

  • Las cloacas de Interior dokumentala asteazken gauean eskaini behar zuen, TV3 eta IB3-rekin batera, baina euskal kate publikoak entretenimendu programa bat jarri zuen azkenean.

ARGIA @argia
2017ko uztailaren 13a

Espainiako Barne ministerioak Poliziaz egiten duen erabilera politikoaren inguruko dokumentala osatu du Jaume Roures zuzendari katalanak, Mediaprok ekoitzia. Kataluniako mugimendu independentistaren eta politikarien kontra Jorge Fernández Díazek zuzenduriko ministerioak egindako azpikeriak ditu abiapuntu.

TVEk zentsuratutako irudiekin eta postu garrantzitsuak izan dituzten polizien testigantzekin osaturik, joan den ekainaren 28an estreinatu zuten Bartzelonako Aribau zineman, zuzendariaren beraren eta Jordi Evole aurkezlearen eskutik. Horren ondotik, EiTB, TV3 eta IB3k ikus-entzunezkoa euren kateetan eskainiko zutela iragarri zuten, uztailaren 12an, asteazkenarekin.

“ETB2k asteazken gauean emitituko du Barne ministerioko praktika txarrak azaleratu dituen Jaume Roures zuzendariaren Las cloacas de Interior dokumentala”, iragarri zuen telebista publikoak bere webgunean.

Baina horren ordez, entretenimendu programa bat jarri zuen Maite Iturbek zuzendutako telebistak, zehazki La imagen de mi vida saioa. Ikusle batek Twitterrez harridura adierazi zuenean, "azken momentuko aldaketa" egon zela azaldu zuen kateak bere kontu ofizialaren bidez:

 

PP eta EAJren “erlazio pribilegiatua” atzean

EH Bilduk azalpenak eskatu dizkio EiTBri, uztaialren 7tik iragarrita izan ondoren inongo azalpenik eman gabe kendu baitzuen programaziotik dokumentala. “PPren presio politikoak bakarrik azaldu dezake ETBren iritzi aldaketa, horrek eta une honetan EAJk PPrekin duen harreman pribilegiatuak, hain zuzen”, esan du Unai Urruzuno legebiltzarkideak.

Urruzunok azaldu duenez dokumentala telebista kate espainiarretan zentsuraturik zuten, “larria eta onartezina litzateke EiTBk berdin jokatzea”.

 

Dokumentalaren trailerra:

 


Adierazpen askatasuna kanaletik interesatuko zaizu...
2018-06-14 | ARGIA
SAT sindikatuko buru Oscar Reina atxilotua, sare sozialetan espainiar erregea "iraintzeagatik"

Oscar Reina Sindicato Andaluz de Trabajadores-eko (SAT) idazkari nagusia atxilotu egin zuen asteazken arratsaldean Guardia Zibilak Gilena herrian, Sevillako 4. Instrukzio epaitegiaren aginduz, “Koroaren kontrako gorroto irainak” egotzita.


2018-06-07 | Baleike
Altsasuko gazteen epaia salatzeko pintadak gaitzetsi ditu Zumaiako udal gobernuak

Zumaiako udal gobernuak bere desadostasuna adierazi du Altsasuko gazteen epaia salatzeko pasa den astean herrian zehar egin ziren pintadekin. Horren harira kexa ugari jaso dituztela ere azaldu du.


2018-05-29 | Miren Osa Galdona
Salaketa jarri dio Espainiako Poliziak "Izquierda Diario" hedabideari tortura kasuak argitaratzeagatik, besteak beste

2017an argitaratutako albiste bat dela eta, Espainiako Poliziak hedabide kataluniarraren aurkako salaketa jarri du, Mozal Legea ezartzeko asmoz. Hainbat tortura kasuri buruzko informazioa da artikuluan agertzen dena, baita poliziek jasotako indultuak ere. Salaketa jarri duena Kataluniako Espainiako Poliziaren egungo burua da, Sebastian Trapote. Veronica Landa kazetariari bere irudia iraindu izana egotzi dio.


2018-05-29 | Miren Osa Galdona
Munduan artista gehien kartzelaratu dituen estatua izan da Espainia 2017an

Herrialdez herrialde adierazpen askatasuna zein egoeretan dagoen neurtzeaz arduratzen da Freemuse erakunde danimarkarra. 2017ko txostena argitaratu berri dute eta "urte zaila” izan dela nabarmendu. Espainiako Estatuari kolore gorriak ateratzerainoko datuak argitaratu dituzte: hamahiru artista kartzelaratu ditu hamabi hilabetetan, eta munduan musikari gehien jazartzen dituen hirugarren estatua da.


2018-05-28 | Miren Osa Galdona
Evaristo abeslaria identifikatu du Guardia Zibilak kontzertu baten ostean

Guardia Zibilaren arabera, salaketa baten berri emateko gelditu zuten Gatillazoko abeslaria Jerezen, Primavera Trompetera jaialdiaren baitan. Publico hedabideak, ordea, jaialdiaren antolakuntzari galdegin dio salaketari buruz eta honek halakorik ez zela izan baieztatu dio. “Ez da inongo salaketarik izan. Soilik, identifikazioa eskatu zioten”.


2018-05-25 | ARGIA
Espainiako Estatua ikertuko dute Europan, adierazpen askatasunaren aurkako auziengatik

Europako Batzordeak eta Europako Parlamentuko Askatasun Zibil, Justizia eta Barne-arazoen (LIBE) batzordeak egingo dute ikerketa.


2018-05-24 | ARGIA
Valtonyc erbestera joan da, kartzelan ez sartzeko

Justiziari gauzak ez dizkiola “erraz” jarriko ohartarazi du rap kantariak aste honetan. Asteazken arratsaldean jakin da erbestera jo duela espetxean sartu ez dezaten. Hainbat iturriren arabera, Europara alde egin du.


2018-05-16 | ARGIA
BIDEOA | Honela egin die eraso Israelgo armadak kazetariei

Al Jazeera hedabidearentzat lan egiten duen Hoda Abdel-Hamid kazetariak bideo labur bat zabaldu du Twitter bidez, zeinean ikusten den Israelgo armadak Gazako sarraskiaren berri ematen ari diren kazetariei eraso egin ziela.


2018-05-10 | Zero Zabor
Ia 10.000 sinadura bildu dituzte EITBn eztabaida gardena eskatuz

Andoaingo Ipar Haizea koordinadorak Change.org plataforman sustatutako sinadura kanpainak zehazki 9.568 sinadura zeramatzan bildurik maiatzaren 11ko 12:30etan. Errausketaren Aurkako Mugimenduak sinadura guztiak EITBko arduradunei entregatu nahi dizkie hilaren 17an, elkarretaratze publiko batez lagundurik, euskal irrati-telebista publikoari eskatzen baitio antolatzea erraustegiaren inguruko eztabaida publikoa.


Azkenak
EGILEA
Eguneraketa berriak daude