EiTBk ez du emititu Espainiako gerra zikinari buruzko dokumentala, iragarrita zuen arren

  • Las cloacas de Interior dokumentala asteazken gauean eskaini behar zuen, TV3 eta IB3-rekin batera, baina euskal kate publikoak entretenimendu programa bat jarri zuen azkenean.

ARGIA @argia
2017ko uztailaren 13a

Espainiako Barne ministerioak Poliziaz egiten duen erabilera politikoaren inguruko dokumentala osatu du Jaume Roures zuzendari katalanak, Mediaprok ekoitzia. Kataluniako mugimendu independentistaren eta politikarien kontra Jorge Fernández Díazek zuzenduriko ministerioak egindako azpikeriak ditu abiapuntu.

TVEk zentsuratutako irudiekin eta postu garrantzitsuak izan dituzten polizien testigantzekin osaturik, joan den ekainaren 28an estreinatu zuten Bartzelonako Aribau zineman, zuzendariaren beraren eta Jordi Evole aurkezlearen eskutik. Horren ondotik, EiTB, TV3 eta IB3k ikus-entzunezkoa euren kateetan eskainiko zutela iragarri zuten, uztailaren 12an, asteazkenarekin.

“ETB2k asteazken gauean emitituko du Barne ministerioko praktika txarrak azaleratu dituen Jaume Roures zuzendariaren Las cloacas de Interior dokumentala”, iragarri zuen telebista publikoak bere webgunean.

Baina horren ordez, entretenimendu programa bat jarri zuen Maite Iturbek zuzendutako telebistak, zehazki La imagen de mi vida saioa. Ikusle batek Twitterrez harridura adierazi zuenean, "azken momentuko aldaketa" egon zela azaldu zuen kateak bere kontu ofizialaren bidez:

 

PP eta EAJren “erlazio pribilegiatua” atzean

EH Bilduk azalpenak eskatu dizkio EiTBri, uztaialren 7tik iragarrita izan ondoren inongo azalpenik eman gabe kendu baitzuen programaziotik dokumentala. “PPren presio politikoak bakarrik azaldu dezake ETBren iritzi aldaketa, horrek eta une honetan EAJk PPrekin duen harreman pribilegiatuak, hain zuzen”, esan du Unai Urruzuno legebiltzarkideak.

Urruzunok azaldu duenez dokumentala telebista kate espainiarretan zentsuraturik zuten, “larria eta onartezina litzateke EiTBk berdin jokatzea”.

 

Dokumentalaren trailerra:

 


Adierazpen askatasuna kanaletik interesatuko zaizu...
No callarem

“Isiltzen denak, zorionik ez du” esan genuen ARGIAn Mozal Legearen aurkako auzia irabazi genuenean. Ordutik adierazpen askatasunaren aurkako gurutzada azkartu baino ez da egin.


2018-04-20 | Miren Osa Galdona
Erregea "marrazoetara bota" idazteagatik gazte bat atxilotu dute Tenerifen

Ostegun goizean atxilotu du Espainiako Poliziak Roberto Mesa kanariarra. Martxoaren 7an Espainiako erregea Tenerifen izan zen eta horren harira Facebooken idatzitako mezu batengatik atxilotu dutela uste dute gaztearen senideek.


'Negozioen sekretuak' babesteko aitzakiaz, alerta jotzaileak mututu

Herritarren oharkabean dator lege berria. 2016an Europako Parlamentuak gehiengo handiz onartu ostean, Frantziak bere legedira egokitu du martxoaren 28an eta laster eginen du gauza bera Espainiak. Enpresen sekretuak konkurrentziaren espioitzaren begiradatik babesteko idatzi dutela diote legegileek, baina herritarrak ohartarazten dituzten alerta jotzaileen lana isilaraztea du helburu kazetari eta ekintzaile askoren ustez. Lobbyek isilpean egin dute azioa orain ere.


2018-04-09 | Lander Arbelaitz
Adierazpen askatasunaren aldeko kantu kolektibo berria: Borboiak lapur batzuk dira

Kataluniako eta Espainiako Estatuko 20 musikari baino gehiagok Valtonyc, Pablo Hasel eta La Insurgenciaren kantuen hitz zigortuak abestu dituzte adierazpen askatasunaren aldeko kantu autoinkulpatorio batean: Borboiak lapur batzuk dira. Bideoklipa Bartzelonako Model espetxean grabatu dute eta astelehenean egin dute publiko.


Erregeak erretzea osasuntsua da

Baina, kasu, europarra bazara. Espainiako Erresumaren mendekoek debekatuta dute herritarrek aukeratu ez dituzten agintariei horrelako kritika sinbolikorik egitea. Espainiarren estatu-burua, armadako agintari gorena eta erregea izateko baldintza bakarra dago: odolaren kolorea.


2018-03-25 | Saioa Baleztena
Valtonyc
"Gure lana erabiltzen ari dira beldurraren kultura zabaltzeko"

Espainiako Auzitegi Gorenak otsailaren hondarrean berretsi du Josep Miquel Arenas Beltrán ‘Valtonyc’ (Sineu, Herrialde Katalanak, 1993) rap-kantariaren aurkako epaia: hiru urte eta sei hilabeteko kartzela-zigorra. Espetxeratzeko aginduaren zain dagoen bitartean, mallorcarrak uko egin dio zigorra laburtzeko indultuari eta El Reincident lana publikatuz erantzun dio Espainiako Justiziari.


2018-03-21 | ARGIA
15 urteko kartzela zigorra eskatu dute Turkiako hainbat fiskalek 'Cumhuriyet' egunkariko 13 langilerentzat

Kazetarien aurkako ehizak ez du etenik Turkian. 15 urte arteko kartzela zigorra eskatu dute Turkiako hainbat fiskalek egunkari bateko dozena bat langileentzat.


Willy Toledok esan du ez dela epailearen aurrera joango

Guillermo Toledo aktoreak Facebook bidez jakinarazi du ez dela epailearen aurrera joango apirilaren 18an. Epaiketara deituta zegoen Jainkoa eta Ama Birjinaren inguruan Facebooken iritzia emateagatik, eta ironiaz erantzun die epaile “txit prestuei”.


2018-03-14 | ARGIA
Espainiako erregearen argazkiak erre dituzte Kataluniako Banyoles herrian, Estrasburgoren sententzia ospatzeko

Astearte gauean zenbait lagunek Felipe VI Espainiako erregearen argazkiak erre dituzte Banyoles herriko udaletxearen aurrean. Europako Giza Eskubideen Auzitegiak emandako sententzia ospatzeko egin dute.


2018-03-13 | Miren Osa Galdona
Estrasburgok kargu hartu dio beste behin Espainiari: errege-erreginen argazkiak erretzea ez da delitua

Errege-erreginen argazkiak erretzea ez dela delitua esan dio Europako Giza Eskubideen Auzitegiak Espainiari. 2007an bi gazteri hamabosna hilabeteko kartzela zigorra ezarri zizkien manifestazio batean orduko errege-erreginen argazkiak erretzeagatik. Espetxea ekiditeko ordaindu zituzten 2.700 euro gazteei itzultzeaz gain, bakoitzari 9.000 euroko kalte ordaina ordaindu beharko dizkie Madrilek.


Azkenak
EGILEA
Eguneraketa berriak daude