Aurtengo Euskal Herria Zuzenean jaialdiak galerak izan ditu. Galera horiek estaltzeko asmoz jarri dute abian EHZk bizi behar du! kanpaina. EHZren webgunean dago laguntza emateko aukera, eta nahiago bada, posta arrunta ere erabili daiteke.

Uztailaren 2an hastekoa zen jaialdia, baina lehen eguneko ekitaldiek bertan behera geratu behar izan zuten eguraldiagatik. Guztira 200.000 euro galdu zituztela adierazi zuten lehengo astean; horregatik jarri dute kanpaina abian. EHZk autofinantziazio bidez ateratzen ditu aurrera antolaturiko ekintzak.